સ્કિન ટુ સ્કિન ટચ વગર સેક્સ્યુઅલ એસોલ્ટ ના માની શકાય તેવા બોમ્બે હાઈકોર્ટના ચુકાદાને સુપ્રીમ કોર્ટે રદ કર્યો

નવી દિલ્હી,તા.18.નવેમ્બર,2021

સ્કિન ટુ સ્કિન ટચ ...ના બોમ્બે હાઈકોર્ટના ચુકાદાને સુપ્રીમ કોર્ટે ફગાવી દીધો છે.

એટોર્ની જનરલે સુપ્રીમ કોર્ટને આ ચુકાદો રદ કરવા માટે અપીલ કરી હતી.મહિલા આયોગે પણ વિશેષ પિટિશન દાખલ કરીને બોમ્બે હાઈકોર્ટના ચુકાદાને સુપ્રીમ કોર્ટમાં પડકાર્યો હતો. એ પછી આજે સુપ્રીમ કોર્ટે ચુકાદો આપતા કહ્યુ છે કે, પોક્સો એકટ હેઠળ સ્પર્શ અને શારીરિક સંપર્કના અર્થને સ્કિન ટુ સ્કિન કોન્ટેકટ સુધી સિમિત કરવાથી પોક્સો એકટની વ્યાખ્યા બહુ સિમિત થઈ જશે.

આ પહેલા મુંબઈ હાઈકોર્ટે કહ્યુ હતુ કે, સગીર વયની બાળકીના આંતરિક અંગને જો કપડુ હટાવ્યા વગર સ્પર્શ કરવામાં આવ્યુ હોય તો તે સેક્યુઅલ એસોલ્ટ ના કહી શકાય.જ્યાં સુધી સ્કિન ટુ સ્કિન ટચ ના હોય તો ત્યાં સુધી તેને યૌન શોષણ માની શકાય નહીં.માત્ર સ્પર્શ કરવો એ યૌન શૌષણની વ્યાખ્યામાં આવતુ નથી.

આ મામલામાં 12 વર્ષની બાળકીના યૌન શોષણ માટે 39 વર્ષના વ્યક્તિને ત્રણ વર્ષની કેદની સજા થઈ હતી.જેની સામે આ વ્યક્તિએ હાઈકોર્ટમાં અપીલ કરી હતી.હાઈકોર્ટે આ કિસ્સાને યૌન શોષણ ગણવાનો ઈનકાર કરી દીધો હતો.

હાઈકોર્ટના ચુકાદા સામે સુપ્રીમ કોર્ટમાં અપીલ કરવામાં આવી હતી.જેના પગલે 27 જાન્યુઆરીએ સુપ્રીમ કોર્ટે હાઈકોર્ટના આદેશ પર રોક લગાવી હતી.એટોર્ની જનરલે કહ્યુ હતુ કે, હાઈકોર્ટના ચુકાદાથી ખોટુ ઉદાહરણ રજૂ થઈ રહ્યુ છે.જ્યારે મહિલા આયોગે કહ્યુ હતુ કે, હાઈકોર્ટના ઉપરોક્ત ચુકાદાથી મહિલાઓના મૂળભૂત અધિકારો જોખમાશે.કારણકે પોક્સો એકટમાં કહેવાયુ છે કે, કોઈ પણ વ્યક્તિ સગીરાના શરીરના પ્રાઈવેટ પાર્ટ કે બ્રેસ્ટને ટચ કરે છે તો તેને સેક્સ્યુઅલ એસોલ્ટ ગણવામાં આવશે.ફિઝિકલ ટચ કપડા વગર થવો જોઈએ તેવુ કાયદામાં લખાયુ નથી.પણ હાઈકોર્ટે સેક્સ્યુઅલ એસોલ્ટની ખોટી વ્યાખ્યા કરી છે .

from Top Stories News - Gujarat Samachar : World's Leading Gujarati Newspaper https://ift.tt/322Kehu
via IFTTT