બિહારના 11 જિલ્લાઓમાં પૂર જેવી પરિસ્થિતિ, દરભંગા ખાતે સ્વાસ્થ્ય કેન્દ્રની દીવાલ તૂટીને પાણીમાં સમાઈ

- ગંડક, બાગમતી, કમલા અને મહાનંદા નદીનું જળસ્તર પણ ખૂબ જ તેજીથી ઉંચુ આવી રહ્યું છે

નવી દિલ્હી, તા. 04 જુલાઈ, 2021, રવિવાર

બિહારના અનેક જિલ્લાઓમાં સતત વરસી રહેલા વરસાદના કારણે નદીઓનું જળસ્તર ઝડપથી વધી રહ્યું છે. રાજ્યના સીતામઢી, મુઝફ્ફરપુર, સમસ્તીપુર, ખગડિયા, ચંપારણ સહિતના 11 જિલ્લાઓમાં પૂરની સ્થિતિ નિર્માણ પામી છે. આ તરફ દરભંગામાં પૂરના પાણીના કારણે અતિહાર ગામ ખાતે આવેલું સબ હેલ્થ સેન્ટર તણાઈ ગયું હતું. 

બિહારમાં કોસી અને ગંડક નદીનું જળસ્તર ખૂબ જ ઝડપથી વધી રહ્યું છે. આ કારણે અનેક ગામોમાં પાણી ભરાઈ ગયા છે. નદીઓ ગાંડીતૂર બની હોવાથી ડરી ગયેલા લોકો પૂરની આશંકાએ ઉંચાણવાળા સ્થળોએ જઈ રહ્યા છે. બિહારના મોતિહારી ખાતે પણ પૂરનો પ્રકોપ ચાલુ છે. 

સ્વાસ્થ્ય કેન્દ્રની દીવાલ પાણીમાં ભળી ગઈ

ગંડક, બાગમતી, કમલા અને મહાનંદા નદીનું જળસ્તર પણ ખૂબ જ તેજીથી ઉંચુ આવી રહ્યું છે. કમલા અને બાગમતી નદી જોખમના નિશાનની ઉપર વહી રહી છે. જ્યારે ગંડક નદીમાં જળસ્તર વધવાથી પશ્ચિમી ચંપારણ, ગોપાલગંજ અને સારણની સ્થિતિ પણ બગડી રહી છે. ખિરોઈ, બાગમતી, કમલા, લાલબકેયા અને અધવારા સમૂહની નદીઓ પણ જોખમના નિશાનની ઉપર વહી રહી છે. 

#WATCH | Bihar: A house collapses in Bhawanipur, Motihari as incessant rainfall leads to a rise in water level of Sikrahna (Burhi Gandak) river, leading to soil erosion at river banks. The house was damaged due to heavy rainfall and unoccupied at the time of the incident. pic.twitter.com/JVRwcnr9xI

— ANI (@ANI) July 4, 2021

દુધૌરા બાદ તિલાવે અને બંગરી નદી પર બનેલા બાંધ તૂટવાના કારણે તબાહી વધી છે. પાણી ખૂબ જ ઝડપથી નવા નવા ક્ષેત્રોમાં પ્રવેશી રહ્યું છે જેથી તબાહી વધી રહી છે. સ્થિતિની ભયાનકતાને ધ્યાનમાં રાખીને જિલ્લા પ્રશાસને એસડીઆરએફની ટીમ તૈનાત કરી છે જે રેસ્ક્યુનું કામ કરી રહી છે. 

from Top Stories News - Gujarat Samachar : World's Leading Gujarati Newspaper https://ift.tt/2SOrvCc
via IFTTT