2016 ઓલિમ્પકમાં મેડલ નહીં જીતી શકનાર મીરાબાઈ ચાનુ પોડિયમ પર રડી પડી હતી

નવી દિલ્હી,તા.24.જુલાઈ.2021

ટોકિયો ઓલિમ્પકમાં આજે મીરાબાઈ ચાનુ જ્યારે વેઈટ ઉંચકી રહી હતી ત્યારે કરોડો ભારતીયોની આંખો ટીવી સ્ક્રીન પર હતી.

મીરાબાઈએ આજે સિલ્વર મેડલ જીતીને તમામ ભારતીયોનુ માથુ ગર્વથી ઉંચુ કર્યુ છે.જોકે આ સફળતા પહેલા મીરાબાઈ ચાનુએ નિષ્ફળતાનો પણ સામનો કરેલો છે અને આ  નિષ્ફળતાએ જ કદાચ તેને વધારે સારો દેખાવ કરવા માટે પ્રેરી છે.

આ પહેલા2016ની રિયો ઓલિમ્પિકમાં મીરાબાઈ ચાનુ વેઈટ ઉંચકી શકી નહોતી.તેના 6માંથી પાંચ પ્રયાસ નિષ્ફળ નિવડ્યા હતા અને મેડલ જીતવાની તક તેના હાથમાંથી સરકી ગઈ હતી.મીરાબાઈ પોડિયમ પર જ રડી પડી હતી અને એ પછી તેણે વધારે દ્રઢતા સાથે મહેનત કરવાનુ શરુ કર્યુ તહુ.

નોર્થ ઈસ્ટના ટચૂકડા રાજ્ય મણિપુરમાંથી આવતી મીરાબાઈનુ નાનપણ સંઘર્ષમાં જ પસાર થયુ હતુ.નાનપણમાં તે ચૂલો સળગાવવા માટેના લાકડાનો ભારો ઉંચકતી હતી.

વેઈટ લિફ્ટર તરીકે જો કે તેની કેરિયર શાનદાર રહી હતી.2014માં સ્કોટલેન્ડમાં યોજાયેલી કોમન વેલ્થ ગેમ્સમાં તેણે 48 કિલો કેટેગરીમાં સિલ્વર મેડલ મેળવ્યો હતો.2017માં તે 48 કિલો કેટેગરીમાં વર્લ્ડ ચેમ્પિયન બની હતી.

from Top Stories News - Gujarat Samachar : World's Leading Gujarati Newspaper https://ift.tt/3zBhkAN
via IFTTT