ગુજરાતમાં આજે 53 કેસ નોંધાયા, 1151 એક્ટિવ કેસ, કુલ મૃત્યુઆંક 10073

ગાંધીનગર, 10 જુલાઇ 2021 શનિવાર

રાજ્યમાં કોરોના સંક્રમણ ઘટતા લોકો હાશકારો અનુભવી રહ્યા છે, રાજ્યમાં આજે કોરોનાના 53 કેસ નોંધાયા છે. જ્યારે રાજ્યમાં આજે એકપણ દર્દીનું મોત થયું નથી.રાજ્યમાં આજે  258  લોકોએ કોરોનાને હરાવ્યો છે. હાલ રાજ્યમાં એક્ટિવ કેસની 1151 છે. અને હવે માત્ર 8 દર્દી વેન્ટીલેટર પર છે. રાજ્યમાં રિકવરી રેટ 98.64 ટકા થયો છે. 1143 દર્દીની હાલત સ્ટેબલ છે. રાજ્યમાં કુલ 8,12,976 લોકો ડીસ્ચાર્જ થઇ ચુક્યા છે. જ્યારે કુલ મૃત્યુઆંક 10073 છે. 

રાજ્યનાં વિવિધ જિલ્લાઓમાં આજે નોંધાયેલા કોરોનાનાં નવા કેસની વિગત આ પ્રમાણે છે, જેમ કે અમદાવાદ કોર્પોરેશનમાં 11, સુરત કોર્પોરેશનમાં 9, દેવભૂમિ દ્વારકા 4, રાજકોટ કોર્પોરેશન 4, ભરુચ 3, કચ્છ 2, મહીસાગર 2, મોરબી 2, સુરત 2, વડોદરા 2, વલસાડ 2, અરવલ્લી 1, બનાસકાંઠા 1, ગીર સોમનાથ 1,  જામનગર 1, જામનગર કોર્પોરેશન 1, જૂનાગઢ 1, મહેસાણા 1, નવસારી 1, સાબરકાંઠા 1, અને વડોદરા કોર્પોરેશન 1 સહિત કુલ 53 કેસ નોંધાયા છે. 

રાજ્યમાં આજે ફરીથી રસીકરણ અભિયાન શરૂ થયું છે, જે મુજબ આજે હેલ્થકેર વર્કર્સ અને ફ્રન્ટલાઇન વર્કર્સ પૈકી 220ને પ્રથમ ડોઝ અને 13835 લોકોને રસીનો બીજો ડોઝ અપાઇ ચુક્યો છે. 45 વર્ષથી વધારેની ઉંમરના 45569 લોકોને પ્રથમ અને 88007 લોકોને રસીનો બીજો ડોઝ આપવામાં આવ્યો હતો. આ ઉપરાંત 18-45 વર્ષના નાગરિકો પૈકી 143419 લોકોને પ્રથમ ડોઝ અને 11232 લોકોને રસીનો બીજો ડોઝ અપાઇ ચુક્યો છે. આજના દિવસમાં કુલ 3,02,282 લોકોને રસી અપાઇ હતી. અત્યાર સુધીમાં કુલ 2,76,27,473 લોકોને રસી અપાઇ ચુકી છે. 

from Top Stories News - Gujarat Samachar : World's Leading Gujarati Newspaper https://ift.tt/3e4cgfY
via IFTTT