સુરત: દેશમાં ઉચ્ચતર માધ્યમિક શિક્ષણ આપતી સુરત પહેલી મહાનગરપાલિકા બની

- આર્ટસ, કોમર્સ અને સાયન્સના 24 વર્ગમાં 1565 વિદ્યાર્થીઓની પહેલા દિવસે હાજરી

સુરત,તા 20 જુલાઈ 2021,મંગળવાર

સુરત મહાનગરપાલિકાએ આજે ધોરણ 11ના 24 વર્ગ શરૂ ફરવા સાથે ઉચ્ચતર માધ્યમિક શિક્ષણ આપકી દેશની પહેલી મહાનગરપાલિકા બની ગઈ છે. મહાનગરપાલિકા સંચાલિત આ સ્કૂલના તમામ 24 વર્ગમાં 1562 વિદ્યાર્થીઓની પૂરેપૂરી હાજરી જોવા મળી હતી.

સુરતના લોકોને પ્રાથમિક સુવિધા સાથે સાથે આરોગ્ય ઉપરાંત હવે શિક્ષણમાં પણ આગળ વધી રહી છે. આજે સુરત મહાનગર પાલિકાએ ધોરણ-11ના આર્ટસ કોમર્સ અને સાયન્સના 24 વર્ગો શરૂ કર્યા છે. આજે સુરત મહાનગરપાલિકાના સેન્ટર ખાતે વર્ચ્યુઅલ ઉદ્ઘાટન કરવામાં આવ્યું હતું. સુરતના મેયર હેમાલી બોઘાવાલાએ કહ્યું હતું કે, વર્ષો પહેલા વાલીઓના વિદ્યાર્થીઓ આર્થિક સંકડામણને કારણે ધોરણ 10 થી આગળ અભ્યાસ કરી શકતા ન હતા. આવો વિદ્યાર્થીઓ માટે મહાનગરપાલિકાએ ધોરણ-11 અને 12ના વર્ગ શરૂ કર્યા છે.

સ્થાયી અધ્યક્ષ પરેશ પટેલે કહ્યું હતું કે, મહાનગરપાલિકા દ્વારા શરૂ કરવામાં આવેલ ઉચ્ચતર માધ્યમિક શિક્ષણ સુરતના વિદ્યાર્થીઓ માટે દિશા સૂચક બની રહેશે. મહાનગરપાલિકાએ શિક્ષકોની ભરતી કરી છે, પરંતુ જો અનેક વિદ્યાર્થીઓ આ શિક્ષકો દ્વારા યોગ્ય શિક્ષણ આપવામાં આવતું ન હોવાની ફરિયાદ કરે તો શિક્ષકોને બદલી નાખવા સુધીની કામગીરી પણ કરવામાં આવશે તેમ જણાવ્યું હતું. સુરત મહાનગરપાલિકાએ ઉચ્ચતર માધ્યમિક શિક્ષણ શરૂ કર્યું છે તેમાં મોટાભાગના ખર્ચો ઉદ્યોગો દ્વારા આપવામાં આવેલા દાનથી સરભર કરવામાં આવશે.

from Top Stories News - Gujarat Samachar : World's Leading Gujarati Newspaper https://ift.tt/3ivWCuY
via IFTTT