અમદાવાદઃ પાલડી પોલીસ સ્ટેશનમાં ફરજ બજાવતા હેડ કોન્સ્ટેબલે ગોળી મારી આપઘાત કર્યો

સવારે ઓફિસે આવ્યા બાદ ઓફિસનો દરવાજો અંદરથી બંધ કરી લમણામાં ગોળી મારી જીવન ટૂંકાવ્યું

અમદાવાદના પાલડી પોલીસ સ્ટેશનમાં ફરજ બજાવતા 35 વર્ષના ઉમેશ કુમાર રમણલાલ ભાટીયા સવારે રાબેતા મુજબ નોકરી પર આવ્યા હતા. ત્યારબાદ તેમણે એકાઉન્ટ ઓફિસનો દરવાજો બંધ કરીને લમણામાં ગોળી મારીને આપઘાત કરી લીધો હતો. આ બનાવ સવારે 9:30થી 10:00 વાગ્યાની વચ્ચે બન્યો હતો. એકાઉન્ટ રાઈટર હેડ પાસે હથિયારો અને દારૂગોળો રહેતો હોય છે જેને કારણે ઉમેશ કુમારે તેમાંથી પિસ્તોલ લઈને તેના વડે ગોળી મારીને પોતાનું જીવન ટુંકાવ્યું હતું. બનાવ બાદ ઉચ્ચ પોલીસ અધિકારીઓ ઘટનાસ્થળે ધસી ગયા હતા અને બનાવની તપાસ હાથ ધરી હતી. પોલીસે આત્મહત્યાનું કારણ જાણવા માટે વધુ તપાસ હાથ ધરી છે.

તેઓ 2009ના વર્ષથી પોલીસ વિભાગમાં નોકરીએ લાગ્યા હતા અને છેલ્લા 5 વર્ષથી પાલડી પોલીસ મથકમાં એકાઉન્ટ રાઈટર તરીકે ફરજ બજાવતા હતા. 

from Top Stories News - Gujarat Samachar : World's Leading Gujarati Newspaper https://ift.tt/36EPTt8
via IFTTT