નરેન્દ્ર મોદીને બાઈડેને કહ્યુ કે, તમે જે ખુરશી પર બેઠા છો તેના પર હું વાઈસ પ્રેસિડેન્ટ હતો ત્યારે બેસતો હતો

નવી દિલ્હી,તા.25 સપ્ટેમ્બર 2021,શનિવાર

પીએમ મોદી અને અમેરિકન રાષ્ટ્રપતિ જો બાઈડન વચ્ચે થયેલી પહેલી મુલાકાતમાં બંને નેતાઓ વચ્ચે સુમેળ જોવા મળ્યો હતો.

બંને નેતાઓ વચ્ચે એકાદ કલાક સુધી વાતચીત થઈ હતી અને બાઈડેને પોતાની ભવિષ્યવાણી યાદ અપાવતા કહ્યુ હતુ કે મેં 2006માં જ આગાહી કરી હતી કે, 2020 સુધી ભારત અને અમેરિકા એક બીજાની નિકટ આવશે.

બે વર્ષ બાદ ફરી એક વખત વ્હાઈટ હાઉસમાં પીએમ મોદીનુ ઉષ્માભેર સ્વાગત થયુ હતુ. બંને વચ્ચે મજાક પણ થઈ હતી. બાઈડને પીએમ મોદીના ખભા પર હાથ મુકીને ચેર ઓફર કરી હતી અને કહ્યુ હતુ કે, આ એ ખુરશી જેના પર હું ઉપરાષ્ટ્રપતિ હતો ત્યારે બેસતો હતો અને હવે તમે તેના પર બેસો.

પીએમ મોદીએ કહ્યુ હતુ કે, મને જે સન્માન અહીંયા આપવામાં આવ્યુ છે તેના પર ગર્વ છે. બંને નેતાઓ વચ્ચે વાતચીત દરમિયાન બોન્ડિંગ જોવા મળ્યુ હતુ.

પીએમ મોદીની આ વ્હાઈટ હાઉસની ત્રીજી મુલાકાત છે. પીએમ બન્યા બાદ તેઓ પહેલી વખત 2014માં અમેરિકાની મુલાકાતે ગયા ત્યારે બરાક ઓબામા પ્રમુખ હતા. તેમના માનમાં યોજાયેલા ભોજન સમારોહના યજમાન જો બાઈડન હતા પણ તે વખતે નવરાત્રીનુ વ્રત હોવાથી પીએમ મોદીએ ભોજન નહોતુ કર્યુ ત્યારે તેના પર બાઈડેને તે વખત પણ મજાક કરી હતી.

from Top Stories News - Gujarat Samachar : World's Leading Gujarati Newspaper https://ift.tt/3kGwC2m
via IFTTT