અમદાવાદીઓ થઇ જજો એલર્ટ: તંત્રએ ફરી માસ્ક પહેરવાનો આપ્યો આદેશ

અમદાવાદ,તા. 7 જુન 2022,મંગળવાર

દેશમાં ફરી કોરોનાના કેસમાં વધારો જોવા મળી રહ્યો છે. ગુજરાતમાં પણ કોરોનાના કેસમાં ઉછાળો આવ્યો છે. ગઇ કાલના આંકડાની જો વાત કરીએ તો ગુજરાતમાં કુલ 53 અને અમદાવાદ શહેરમાં 31 નવા કોરોના કેસ નોંધાયા હતા.

ફરજીયાત માસ્ક 

શહેરમાં કોરોનાના કેસમાં ઉછાળો આવતા અમદાવાદ મ્યુનિસિપલ કોર્પોરેશન એલર્ટ થયુ છે. 

AMCના આરોગ્ય અધિકારી ડૉ. ભાવિન સોલંકીએ એક નિવેદન આપ્યુ છે જે મુજબ, અમદાવાદ શહેરમાં માસ્ક ફરી ફરજીયાત કરવા સૂચના આપી હતી. હાલના સમયમાં ફરી મોટાભાગના લોકો માસ્ક વગર અને કોરોનાના ડર વગર બજારોમાં ખુલ્લેઆમ ફરતા જોવા મળી રહ્યાં હોવાનું AMCનું તારણ છે. 

કોરોનાના કેસ અંગેના આંકડાઓને જોતા મહામારીની સ્થિતિ હાલ પણ યથાવત હોવાથી માસ્કનો ઉપયોગ ચાલુ રાખવા AMCએ લોકોને સલાહ પણ આપી છે. આ સાથે વિચારણા કરાઇ રહી છે કે, સામાજિક અંતરનું યોગ્ય પાલન કરવા પણ આગામી દિવસોમાં AMC ઝુંબેશ શરૂ કરી શકે છે.

from Top Stories News - Gujarat Samachar : World's Leading Gujarati Newspaper https://ift.tt/rNuKhYd
via IFTTT