બંગાળ ચૂંટણીઃ નંદીગ્રામમાં હવે મમતા બેનરજી 2700 મતથી આગળ, મમતાના ઘરની બહાર ઉજવણી શરુ

નવી દિલ્હી,તા.2.મે.2021

પશ્ચિમ બંગાળની ચૂંટણીમાં ટીએમસી ફરી સત્તા કબ્જે કરી રહી છે તે હવે નિશ્ચિત બની ગયુ છે અને બીજી તરફ ટીએમસી માટે રાહત આપનારી ખબર એ છે કે નંદીગ્રામમાં પાછળ ચાલી રહેલા સીએમ મમતા બેનરજી હવે પોતાના હરીફ ઉમેદવાર ભાજના સુવેન્દુ અધિકારીથી 2700 મત આગળ થઈ ગયા છે.

આ પહેલા સુવેન્દુ અધિકારીએ આ બેઠક પર 5000 મતની સરસાઈ મેળવી હતી પણ જેમ જેમ આગળનુ કાઉન્ટિંગ શરુ થયુ હતુ તેમ તેમ આ સરસાઈ ઘટતી ગઈ હતી અને હવે મમતા બેનરજી આગળ નીકળી ગયા છે.

બીજી તરફ ટીએમસીના કાર્યકરોએ મમતા બેનરજીના ઘરની બહાર ઉજવણી શરુ કરી દીધી છે.મમતા બેનરજીના ઘરની બહાર ખેલા હોબેના નારા લાગી રહ્યા છે.જ્યારે કોલકાતામાં ભાજપના કાર્યાલયની બહાર ટીએમસી કાર્યકરોએ હંગામો મચાવવાનો શરુ કર્યો છે.

હાલમાં ટીએમસી કુલ 207 બેઠકો પર અને ભાજપ 82 બેઠકો પર આગળ છે.ડાબેરીઓ અને કોંગ્રેસને માંડ એક કે બે બેઠકો પર હાલમાં સરસાઈ મળી છે.

from Top Stories News - Gujarat Samachar : World's Leading Gujarati Newspaper https://ift.tt/3nG43Sx
via IFTTT