અમેરિકાના ટેક્સાસમાં માનવ તસ્કરીના ઉદ્દેશ્યથી ઘરમાં કેદ મળ્યા 91 લોકો, 5 કોરોના સંક્રમિત

- તમામ લોકોને બાંધવામાં નહોતા આવેલા અને કોઈ હથિયાર પણ નથી મળ્યું

નવી દિલ્હી, તા. 2 મે, 2021, રવિવાર

અમેરિકાના ટેક્સાસ રાજ્યમાં માનવ તસ્કરીની ખૂબ જ ચોંકાવનારી ઘટના સામે આવી છે. દક્ષિણ-પશ્ચિમી હ્યુસ્ટન ખાતે આવેલા બે માળના એક મકાનમાં 91 લોકો કેદ મળી આવ્યા હતા જેમાંથી 5 કોરોના સંક્રમિત પણ છે. પોલીસે શુક્રવારે ગુપ્ત બાતમીના આધારે દરોડો પાડ્યો હતો. 

તેના પહેલા સર્ચ વોરંટ પણ જારી કરવામાં આવ્યું હતું. ઘરમાં કેદ મળી આવેલા લોકોની ઉંમર ઓછામાં ઓછી 20 વર્ષ કે તેનાથી વધારે છે. ઘરમાંથી મળી આવેલા 91 લોકોમાં 5 મહિલાઓ છે જ્યારે બાકીના તમામ પુરૂષો છે. હજુ સુધી તમામ પીડિતોની ઓળખની વિગતો સામે નથી આવી. પોલીસના મતે આ લોકો પ્રવાસી પણ હોઈ શકે છે. 

પીડિતોએ પોલીસને તે સૌ ભૂખ્યા હોવાનું જણાવ્યું હતું. આ ઉપરાંત કોરોના તપાસ બાદ 5 લોકો સંક્રમિત નોંધાયા છે. પોલીસના કહેવા પ્રમાણે આ તમામ લોકોને બાંધવામાં નહોતા આવેલા અને કોઈ હથિયાર પણ નથી મળ્યું. 

from Top Stories News - Gujarat Samachar : World's Leading Gujarati Newspaper https://ift.tt/3eObvXD
via IFTTT