બંગાળ મતગણતરીઃ શરુઆતના પરિણામમાં પછડાઈ રહ્યા છે BJPના અનેક દિગ્ગજો, લૉકેટ ચેટર્જી, બાબુલ સુપ્રિયો પાછળ

- માકપાની મીનાક્ષી મુખર્જીએ નંદીગ્રામમાં મમતા અને શુભેંદુ અધિકારીને પડકાર આપીને જંગને ત્રિકોણીય બનાવ્યો

નવી દિલ્હી, તા. 2 મે, 2021, રવિવાર

પશ્ચિમ બંગાળ વિધાનસભા ચૂંટણી માટે રવિવાર સવારથી મતગણતરી શરૂ થઈ ગઈ છે. રાજ્યના અનેક વીઆઈપી લોકો આ પરિણામોની આતુરતાપૂર્વક રાહ જોઈ રહ્યા છે. બંગાળની નંદીગ્રામ બેઠક હાલ દેશની સૌથી હાઈ પ્રોફાઈલ બેઠક બની છે. સવારે 10:15 કલાકે બીજા રાઉન્ડની મતગણતરી બાદ લૉકેટ ચેટર્જી ચુંચુરા બેઠક પરથી 3,300 મતથી પાછળ હતા. જ્યારે સવારે 10:07 કલાકે નંદીગ્રામથી શુભેંદુ અધિકારી 8,106 મતથી આગળ હતા. 

સવારે 10:05 કલાકે ભાજપના સ્વપન દાસ ગુપ્તા તારકેશ્વરથી 3,000 મતથી પાછળ ચાલી રહ્યા હતા. જ્યારે સવારે 10:00 કલાકે ટૉલીગંજથી બાબુલ સુપ્રિયો 13,000 મતથી પાછળ ચાલી રહ્યા હતા.

મમતા, મીનાક્ષી અને શુભેંદુનો ત્રિકોણીય મુકાબલો

માત્ર થોડા મહિનાઓ પહેલા જ મમતા બેનર્જીના લેફ્ટિનેન્ટ ગણાતા શુભેંદુ અધિકારી નંદીગ્રામમાં તાલ ઠોકી રહ્યા છે. તેમણે ચૂંટણી જીતવાનો દાવો કર્યો હતો અને મમતા બેનર્જીને 50,000 મતથી હરાવશે તેમ કહ્યું હતું. જો કે, મમતા બેનર્જીએ શુભેંદુના દાવાને ગપ્પું ગણાવીને પોતે ચૂંટણી જીતી રહ્યા હોવાનું જણાવ્યું હતું. 

માકપાની મીનાક્ષી મુખર્જી નંદીગ્રામમાં મમતા અને શુભેંદુ અધિકારીને પડકાર આપીને જંગને ત્રિકોણીય બનાવી રહી છે. મીનાક્ષી એક યુવા નેતા છે અને રોજગાર, ઔદ્યોગીકરણના વચન સાથે ચૂંટણીમાં ઉતરી છે. 

from Top Stories News - Gujarat Samachar : World's Leading Gujarati Newspaper https://ift.tt/3u6pQ8p
via IFTTT