આસામ મત ગણતરી : આસામમાં કોંગ્રેસનો જાદુ ના ચાલ્યો, ભાજપ ફરી સત્તામાં આવે તેવી શક્યતા

ગુવાહાટી, તા. 2 મે 2021, રવિવાર

દેશમાં કોરોના સંકટ વચ્ચે પાંચ રાજ્યોમાં વિધાનસભા ચૂંટણી યોજાઇ હતી, જેમાં પૂર્વોત્તરનું આસામ પણ હતું. આસામ વિધાનસભા ચૂંટણીના પરિણામ આજે ઘોષિત થઇ રહ્યા છે. જેના પર અત્યારે તમામ લોકોની નજર છે. ત્યારે આ વખતે જે શરુઆતના પરિણામો આવ્યા છે તેના પરથી એવું લાગી રહ્યું છે કે આસામમાં ફરી વખત ભાજપની સરકાર બની રહી છે.

શરુઆતના જે પરિણામો આવી રહ્યા છે, તેમાં આસમની અંદર ફરી વખત કમળ ખિલશે તેવું લગી રહ્યું છે. પરિણામના અત્યાર સુધીના ટ્રેન્ડ પ્રમાણે એનડીએને બહુમતિ મળતી દેખાય રહી છે. ચૂંટણી પંચની વેબસાઇટ પ્રમાણે અત્યારે ભાજપ 80 સીટો પર આગળ છે, જ્યારે કોગ્રેસ માત્ર 37 સીટો પર આગળ છે. જેના કારણે ભાજપમાં ખુશીનો માહોલ છે.

શરુઆતના ટ્રેંડ જોતા એવું લાગી રહ્યો છે કે આસામની અંદર પ્રિયંકા અને રાહુલ ગાંધીનો જાદુ ચાલ્યો નથી. લોકોએ ફરી વખત તેમને નકાર્યા છે. ઉલ્લેખીય છે કે આ વખતે રાહુલ ગાંધી અને પ્રિયંકા ગાંધીએ આસામને કબ્જે કરવા માટે ઘણી તાકાત લગાવી હતી. એક તરફ ભાજપ માટે સત્તા બચાવવાનો સવાલ હતો, તો બીજી તરફ કોંગ્રેસે પણ એડીચોટીનું જોર લગાવ્યું હતું. જેમાં અત્યારે ભાજપ આગળ વધી રહ્યું છે.

from Top Stories News - Gujarat Samachar : World's Leading Gujarati Newspaper https://ift.tt/3aViYmM
via IFTTT