જમ્મુ કાશ્મીરઃ હિઝબુલ મુઝાહિદ્દીનના ટોચના કમાન્ડરને સુરક્ષાદળોએ ઢાળી દીધો

નવી દિલ્હી,તા.7.જુલાઈ.2021

જમ્મુ કાશ્મીરના ઉત્તરી કાશ્મીરના હંદવાડામાં સુરક્ષા દળોની આતંકીઓ સાથે થયેલી અથડામણના પગલે સમગ્ર વિસ્તારની ઘેરાબંધી કરી દેવામાં આવી છે.

આ વિસ્તારમાં સેનાની અને સીઆરપીએફની બટાલિયનોએ ઓપરેશન હાથ ધર્યુ છે.અહીંયા આતંકવાદીઓ છુપાયા હોવાની જાણકારી મળી હતી અને એ પછી સર્ચ ઓપરેશન શરુ કરાયુ હતુ.જવાનોને જોઈને છુપાયેલા આંતકીઓએ ફાયરિંગ શરુ કર્યુ હતુ અને સુરક્ષાદળોએ તેનો જડબાતોડ જવાબ આપ્યો હતો.આ દરમિયાન સુરક્ષાદળોને મોટી સફળતા મળી છે.

કાશમીર પોલીસના કહેવા પ્રમાણે એન્કાઉન્ટરમાં આંતકી સંગઠન હિઝબુલ મુજાહિદ્દીનના સૌથી જૂના અને ટોચના કમાન્ડરો પૈકીનો એક મહેરાજુદ્દીન હલવાઈને ઢાળી દેવાયો છે.મહેરાજુદ્દીન ઉર્ફે ઉબૈદ અગાઉ પણ ઘણી આતંકી ઘટનાઓમાં સંડોવાયેલો હતો.

દરમિયાન જમ્મુ એરફોર્સ સ્ટેશન પર થયેલા ડ્રોન એટેકના પગલે બારામૂલા વિસ્તારમાં પણ ડ્રોન પર પ્રતિબંધ મુકી દેવાયો છે.આ પહેલા શ્રીનગર, રાજૌરી અને કઠુઆમાં પણ ડ્રોન પર પ્રતિબંધ મુકાયેલો છે.

ગઈકાલે ડોડા જિલ્લામાં પોલીસ લાઈન પાસે ગ્રેનેડ વડે હુમલો કરવામાં આવ્યો હતો.જેમાં એક પોલીસ જવાન ઘાયલ થયો હતો.

from Top Stories News - Gujarat Samachar : World's Leading Gujarati Newspaper https://ift.tt/3hKkH0D
via IFTTT