પંજશીરમાં તાલિબાનને ટક્કર આપવા 10 હજારની સેના તૈયાર: જનરલ મોહમ્મદી
કાબુલ, 22 ઓગસ્ટ 2021 રવિવાર
અફઘાનિસ્તાનના રાષ્ટ્રપતિ અશરફ ગનીની સરકારમાં સંરક્ષણ મંત્રી જનરલ બિસ્મિલ્લાહ મોહમ્મદીએ જાહેરાત કરી છે કે તેઓ પંજશીરની સુરક્ષા ચાલુ રાખશે. તેમણે કહ્યુ છે કે પંજશીર ખીણ તાલિબાન દળોનો વિરોધ ચાલુ રાખશે. ખીણમાં યુદ્ધ ચાલુ રહેશે. આ નિવેદન એવા સમયે આવ્યું છે જ્યારે તાલિબાનોએ પંજશીર સિવાય અફઘાનિસ્તાનની સત્તા પર સંપૂર્ણ રીતે કબજો જમાવી લીધો છે.
અફઘાનિસ્તાનનાં રાષ્ટ્રપતિ અશરફ ગની તાલિબાન કાબુલ પર કબજો કરે તે પહેલા દેશ છોડીને ભાગી ગયા હતા. તેમણે સંયુક્ત આરબ અમીરાત (UAE) માં આશ્રય લીધો છે. તાજેતરમાં જ UAE દ્વારા જ તેની પુષ્ટિ કરવામાં આવી હતી અને કહેવામાં આવ્યું હતું કે તેમને માનવીય આધાર પર આશ્રય આપવામાં આવ્યો છે.
આવી સ્થિતિમાં જનરલ બિસ્મિલ્લાહ મોહમ્મદીની જાહેરાતને તાલિબાન માટે મોટો પડકાર માનવામાં આવી રહ્યો છે. લશ્કર પંજશીરમાં તાલિબાનનો સામનો કરવા તૈયાર છે. સ્પષ્ટ છે કે, તાલિબાન માટે પણ, પંજશીર ખીણ પર વિજય મેળવવો હજુ પણ સૌથી મોટો પડકાર માનવામાં આવે છે.
10 હજારથી વધુ સૈનિકો તાલિબાનને સ્પર્ધા આપશે!
પંજશીરનું વલણ હંમેશા તાલિબાન સામે રહ્યું છે. અહીં 10 હજારથી વધુ સૈનિકો તાલિબાન સાથે લડવા તૈયાર છે. આવી સ્થિતિમાં તાલિબાન માટે અહીં યુદ્ધ સહેલું નથી. પંજશીરમાં, અફઘાનિસ્તાનના ભૂતપૂર્વ રાષ્ટ્રપતિ અમરૂલ્લાહ સાલેહ અને અફઘાનિસ્તાનનાં વોર લોર્ડ કહેવામાં આવતા જનરલ અબ્દુલ રશીદ દોસ્તમની સેના તાલિબાન સામે સામેલ છે. ત્યારે હવે, જનરલ બિસ્મિલ્લાહ મોહમ્મદીની આ જાહેરાતથી તાલિબાન પર દબાણ વધ્યું છે.
تو شاهینی قفس بشکن به پرواز اه و مستی کن
— General Bismillah Mohammadi (@Muham_madi1) August 22, 2021
که بر آزاده گان داغ اسارات سخت ننگین است
پنجشیر همیش سبز و استوار خواهد ماند،
طالبان تروریست خواب تسخیر پنجشیر، زادگاه قهرمان ملی را با خود به گور ببرند. مقاومت علیه تروریست ها بر هریک ما فرض است! pic.twitter.com/u5sKXvHkXw
from Top Stories News - Gujarat Samachar : World's Leading Gujarati Newspaper https://ift.tt/3y9wLiq
via IFTTT
ટિપ્પણીઓ નથી: