ચક દે ઈન્ડિયાઃ જાણો મહિલા હોકી ટીમે ઓલમ્પિકની સફરમાં કઈ રીતે પલટી બાજી

- ઓલમ્પિકમાં 3 વખત ગોલ્ડ જીતનારી ઓસ્ટ્રેલિયન ટીમને ભારતીય મહિલા હોકી ટીમે પહેલી વખત હરાવી

નવી દિલ્હી, તા. 02 ઓગષ્ટ, 2021, સોમવાર

ટોક્યો ઓલમ્પિકમાં ભારતીય મહિલા હોકી ટીમે ઈતિહાસ સર્જી દીધો છે. ટીમ ઈન્ડિયાએ ક્વાર્ટર ફાઈનલમાં ઓસ્ટ્રેલિયાને 1-0થી માત આપી છે. આ વિજય સાથે જ ભારતીય મહિલા હોકી ટીમ સેમીફાઈનલમાં પહોંચી ગઈ છે. ઓલમ્પિકના ઈતિહાસમાં પહેલી વખત ભારતની મહિલા હોકી ટીમ સેમીફાઈનલમાં પહોંચી છે. હવે સેમીફાઈનલમાં ભારતનો મુકાબલો આર્જેન્ટીના સામે થશે.

ટીમ ઈન્ડિયા માટે આ વિજય ખૂબ જ ખાસ છે કારણ કે, ટોક્યો ઓલમ્પિકમાં ભારતીય મહિલા હોકી ટીમની શરૂઆત સારી નથી થઈ અને 3 મુકાબલામાં તેણે હારનો સામનો કરવો પડ્યો હતો. જોકે રાની રામપાલની આગેવાનીવાળી ટીમે હાર નહોતી માની અને શાનદાર રીતે એક બાદ એક મુકાબલા જીતીને તે સેમીફાઈનલમાં પહોંચી ગઈ છે. 

ઓલમ્પિકમાં 3 વખત ગોલ્ડ જીતનારી ઓસ્ટ્રેલિયન ટીમને ભારતીય મહિલા હોકી ટીમે પહેલી વખત હરાવી છે. ભારતીય ટીમના આ વિજય બાદ સોશિયલ મીડિયા પર શુભેચ્છાઓનો ધોધ વહ્યો છે. યોગી આદિત્યનાથ અને અરવિંદ કેજરીવાલે પણ મહિલા હોકી ટીમને શુભેચ્છા પાઠવી હતી. સોશિયલ મીડિયા યુઝર્સે ગર્લ્સ પાવરને સલામી ભરી હતી. 

from Top Stories News - Gujarat Samachar : World's Leading Gujarati Newspaper https://ift.tt/3fitwyE
via IFTTT