ટોક્યો ઓલમ્પિક: ભારતીય ગોલ્ફર અદિતિ અશોક મેડલ ચૂક્યા, શાનદાર પ્રદર્શનથી રચ્યો ઈતિહાસ

નવી દિલ્હી, તા. 07 ઓગસ્ટ 2021 શનિવાર

ભારતીય સ્ટાર ગોલ્ફર અદિતિ અશોક શનિવારે મેડલ જીતવાથી ચૂકી ગયા. ટોક્યો ઓલમ્પિકની વિમેન્સ ગોલ્ફ ઈવેન્ટના ચોથા અને ફાઈનલ રાઉન્ડ બાદ તેઓ ચોથા સ્થાન પર રહ્યા. તેમ છતાં તેમણે શાનદાર પ્રદર્શન કરતા ઈતિહાસ રચ્યો.

અમેરિકાની ગોલ્ફરને મળ્યો ગોલ્ડ

અમેરિકાની નેલી કોરડા પહેલા નંબરે રહી અને ગોલ્ડ મેડલ પ્રાપ્ત કર્યો, બીજા નંબરે જાપાનની મોને ઈનામી અને ઓસ્ટ્રેલિયાની લીડિયા કો એ બીજા નંબર માટે ટાઈ થઈ ગઈ.

અદિતિએ રચ્યો ઈતિહાસ

ભારતીય ગોલ્ફર અદિતિ અશોકની આ બીજી ઓલમ્પિક છે. રિયો ડિ જનેરિયો 2016 રિયો ડિ જનેરિયો ઓલમ્પિકમાં તેઓ 41મા સ્થાન પર હતા. એવામાં તેમણે ટોક્યો ઓલમ્પિકમાં ચોથા સ્થાન પર રહીને ઈતિહાસ રચ્યો. તે માત્ર એક સ્ટ્રોકથી મેડલ ચુકી ગયા, ભારતના દીક્ષા ડાગરને 50મુ સ્થાન મળ્યુ.

ભારતીય ગોલ્ફર અદિતિ અશોકે ગોલ્ફ ઇવેન્ટમાં શરૂઆતથી જ જોરદાર પરફોર્મન્સ આપ્યું હતું. તેમણે મેચ પર સતત પોતાની પકડ બનાવી રાખી અને ટોપ 3 માં સ્થાન જાળવી રાખ્યું. રમતના ત્રીજા રાઉન્ડની સમાપ્તિ પછી, તે અમેરિકન ગોલ્ફર નેલી કોરડા પછી બીજા ક્રમે હતી, એટલે કે, સિલ્વર મેડલની પ્રબળ દાવેદાર બની. આ પછી, શનિવારે રમાયેલા ચોથા અને છેલ્લા રાઉન્ડમાં, તે અંત સુધી મેડલની દાવેદાર રહી. પરંતુ મેચમાં છેલ્લા શોટ પર થયેલી ભૂલને કારણે મેડલ જીતવાની તક તેના હાથમાંથી સરકી ગઈ હતી.

from Top Stories News - Gujarat Samachar : World's Leading Gujarati Newspaper https://ift.tt/2VxLJkX
via IFTTT