રેપ પીડિત બાળકીના માતા પિતાની સંમતિના કારણે રાહુલ ગાંધીનુ એકાઉન્ટ અનલોક કરાયુઃ ટ્વિટર

નવી દિલ્હી,તા.14 ઓગસ્ટ 2021,શનિવાર

કોંગ્રેસના પૂર્વ અધ્યક્ષ રાહુલ ગાંધીનુ એકાઉન્ટ ટ્વિટરે ફરી રિસ્ટોર કરી દીધુ છે અને કોંગ્રેસ તેને સત્યનો વિજય ગણાવી રહી છે.

બીજી તરફ ટ્વિટરે એકાઉન્ટ ફરી કાર્યરત કરવા માટે કારણ આપતા કહ્યુ છે કે, રેપ પીડિતા બાળકીના પરિવારે તસવીરોનો ઉપયોગ કરવા સામે કોઈ વાંધો નથી તેવુ સંમતિ પત્ર આપ્યા બાદ એકાઉન્ટને રિસ્ટોર કરવામાં આવ્યુ છે.

જોકે રાહુલ ગાંધીએ જે તસવીરો શેર કરીને ટ્વિટ કર્યુ હતુ તેને તો કંપની રોકીને જ રાખશે. કારણકે તેનાથી ભારતીય કાયદાઓનુ ઉલ્લંઘન થાય છે.

ઉલ્લેખીય છે કે, રાહુલ ગાંધીએ દિલ્હીમાં નવ વર્ષની રેપ પિડિતા બાળકીના માતા પિતાની મુલાકાત લીધી હતી અને તેમની તસવીરો શેર કરી હતી. એ પછી રાહુલ ગાંધી તેમજ પાર્ટીના બીજા વરિષ્ઠ નેતાઓનુ ટ્વિટર એકાઉન્ટ બંધ કરી દેવામાં આવ્યા હતા. જોકે બાળકીના માતા પિતાની તસવીરો સાથેના ટ્વિટને તો ટ્વિટરે રોકી જ રાખ્યુ છે.

ટ્વિટરના પ્રવક્તાનુ કહેવુ છે કે, રાહુલ ગાંધીના ટ્વિટર હેન્ડલ દ્વારા તસવીરોના ઉપયોગ માટે માતા પિતાની સંમતિ હોવાનો પત્ર અમને આપવામાં આવ્યો છે.તસવીરમાં જે લોકો નજરે પડે છે તેમની સંમતિ હોવાના આધારે અમે એકાઉન્ટ અનલોક કરવા માટે સંમતિ આપી છે.જોકે તસવીરો સાથેનુ ટ્વિટ હજી પણ રોકી રાખવામાં આવ્યુ છે.

from Top Stories News - Gujarat Samachar : World's Leading Gujarati Newspaper https://ift.tt/3xLdgfY
via IFTTT