'સાંસદે ગળું પકડ્યું ત્યારે ગૂંગળામણ થઈ અને શ્વાસ લેવામાં તકલીફ પડી ...' સુરક્ષા સહાયકોએ આપવીતી જણાવી
નવી દિલ્હી, 12 ઓગસ્ટ 2021 ગુરૂવાર
સંસદના ચોમાસુ સત્રની શરૂઆતથી જ વિપક્ષી સાંસદોનો હંગામો ચાલી રહ્યો છે, પરંતુ સત્ર સમાપ્ત થતાં સ્થિતિ ગંભીર બની છે. વિપક્ષી સાંસદોએ ગુરુવારે રાજ્યસભામાં હંગામો કર્યો અને સુરક્ષા કોર્ડન તોડવા માટે માર્શલો સાથે ઝપાઝપી પણ કરી. આમાં પુરુષોની સાથે મહિલા સાંસદો પણ જોડાઇ. આ દરમિયાન, ફરજ પરના બે સુરક્ષા સહાયકોએ રાજ્યસભા સચિવાલયમાં સંસદની સુરક્ષા સેવાના નિયામકને પત્ર લખીને કેટલાક વિપક્ષી સાંસદો પર અભદ્રતાનો આરોપ લગાવ્યો છે.
સુરક્ષા સહાયક GR-1 રાકેશ નેગીએ રાજ્યસભા સચિવાલયમાં સંસદની સુરક્ષા સેવાના નિયામકને લખેલા પત્રમાં જણાવ્યું છે કે 11 ઓગસ્ટ, 2021 ના રોજ મને રાજ્યસભા ચેમ્બરમાં માર્શલ ડ્યુટી કરવા અંગે જાણ કરવામાં આવી હતી. સાંસદો એલામારન કરીમ અને અનિલ દેસાઈએ માર્શલોની સુરક્ષા કોર્ડન તોડવાનો પ્રયાસ કર્યો હતો. તેમણે આગળ લખ્યું કે આ સમય દરમિયાન કરીમે મને સુરક્ષા વર્તુળમાંથી બહાર કાવા માટે મારું ગળું પકડ્યું, જેના કારણે મને થોડા સમય માટે ગૂંગળામણ થઈ અને શ્વાસ લેવામાં તકલીફ પડી.
GR-1 -2 માં સુરક્ષા સહાયક અક્ષિતા ભટ્ટે તેના પત્રમાં લખ્યું છે કે વિરોધ કરી રહેલા કેટલાક પુરુષ સાંસદોએ મારા પર હુમલો કર્યો અને સુરક્ષા કોર્ડન તોડવાનો પ્રયાસ કર્યો. જ્યારે મેં આનો વિરોધ કર્યો ત્યારે સાંસદ છાયા વર્મા અને ફૂલો દેવી નેતમ આગળ આવ્યા અને પુરૂષ સાંસદોને સુરક્ષા કોર્ડન તોડવા માટે આગળ આવવા માટે જગ્યા બનાવી. ભટ્ટે સુરક્ષા સેવાઓના નિયામકને લખેલા પત્રમાં આગળ લખ્યું છે કે બંને મહિલા સાંસદોએ પુરુષ સાંસદોની મદદ માટે મને શારીરિક અને બળજબરીથી મારો ખભો પકડીને મને ખેંચી હતી.
અત્રે ઉલ્લેખનિય છે કે એલામારન કરીમ ભારતીય કમ્યુનિસ્ટ પાર્ટી (માર્ક્સવાદી) ના સાંસદ છે. જ્યારે, અનિલ દેસાઈ શિવસેના અને છાયા વર્મા અને ફૂલન દેવી નેતમ કોંગ્રેસ પાર્ટીના સાંસદ છે. રાજ્યસભાના ચેરમેન એમ વેંકૈયા નાયડુ અને લોકસભા સ્પીકર ઓમ બિરલાએ પણ આ દુર્ભાગ્યપૂર્ણ ઘટના સંદર્ભે બેઠક યોજી. આ બેઠકમાં બંનેએ ગૃહમાં આવા વર્તન સામે વાંધો ઉઠાવ્યો અને કહ્યું કે આવી ઘટનાઓ સહન કરવામાં આવશે નહીં. બંનેએ કહ્યું કે આ પ્રકારનું વર્તન અસ્વીકાર્ય છે અને દોષિતો સામે કાર્યવાહી કરવામાં આવશે.
During this, Elamaran Kareem caught hold of my neck in order to drag me out of the security cordon chain, which led to momentarily choking & suffocation: Rakesh Negi, Security Assistant, GR-I, writes to the Director (Security), Parliament Security Service, Rajya Sabha Secretariat
— ANI (@ANI) August 12, 2021
from Top Stories News - Gujarat Samachar : World's Leading Gujarati Newspaper https://ift.tt/3ACNRa1
via IFTTT
ટિપ્પણીઓ નથી: