જાન્યુઆરીમાં સતત ચોથા મહિને જીએસટી કલેક્શન રૂ. ૧.૩૦ લાખ કરોડથી વધુ
(પીટીઆઇ) નવી દિલ્હી, તા. ૩૧
જાન્યુઆરી, ૨૦૨૨માં જીએસટી કલેક્શન ૧.૩૮ લાખ કરોડ રૃપિયા રહ્યું છે. જે જાન્યુઆરી, ૨૦૨૧ કરતા ૧૫ ટકા વધારે છે. ઉલ્લેખનીય છે કે સળંગ ચોથા મહિને જીએસટી કલેક્શન ૧.૩૦ લાખ કરોડ રૃપિયાથી વધારે રહ્યું છે.
નાણા મંત્રાલયના જણાવ્યા અનુસાર જાન્યુઆરી, ૨૦૨૨માં જીએસટીની આવક ૧,૩૮,૩૯૪ કરોડ રૃપિયા રહી છે. જેમાં સીજીએસટીના ૨૪,૬૭૪ કરોડ રૃપિયા, એસજીએસટીના ૩૨,૦૧૬ કરોડ રૃપિયા અને આઇજીએસટીના ૭૨,૦૩૦ કરોડ રૃપિયાનો સમાવેશ થાય છે.
અત્યાર સુધીનું સૌથી વધુ જીએસટી કલેક્શન ૧,૩૯,૭૦૮ કરોડ રૃપિયા એપ્રિલ, ૨૦૨૧માં રહ્યું હતું.
આ દરમિયાન આજે ડિસેમ્બર, ૨૦૨૧ના આઠ કોર સેક્ટરના વિકાસના આંકડા જાહેર કરવામાં આવ્યા છે. ડિસેમ્બર, ૨૦૨૧માં આઠ કોર સેક્ટરના ઉદ્યોગોનું ઉત્પાદન ૩.૮ ટકા વધ્યું છે. ઉલ્લેખનીય છે કે એક વર્ષ અગાઉ એટલે કે ડિસેમ્બર, ૨૦૨૦માં કોર સેક્ટરના ઉત્પાદનમાં ૦.૪ ટકાનો ઘટાડો થયો હતો.
ડિસેમ્બર, ૨૦૨૧માં ક્રૂડ ઓઇલ અને સ્ટીલ સિવાયના તમામ સેક્ટરના ઉત્પાદનમાં વધારો જોવા મળ્યો છે. નવેમ્બર, ૨૦૨૧માં કોર સેક્ટરના ઉદ્યોગોના ઉત્પાદનમાં ૩.૪ ટકાનો વધારો થયો હતો.
એપ્રિલથી ડિસેમ્બર, ૨૦૨૧ દરમિયાન કોલસા, ક્રૂડ ઓઇલ, કુદરતી ગેસ, રિફાઇનરી પ્રોડક્ટ, ફર્ટિલાઇઝર્સ, સ્ટીલ, સિમેન્ટ અને વીજળી આ આઠ કોર સેક્ટરના ઉત્પાદનમાં ૧૨.૬ ટકાનો વધારો થયો છે.
ઉલ્લેખનીય છે કે ગત નાણાકીય વર્ષના સમાન ગાળામાં કોર સેક્ટરના આ ઉદ્યોગોના ઉત્પાદનમાં ૯.૮ ટકાનો ઘટાડો જોવા મળ્યો હતો.
from Top Stories News - Gujarat Samachar : World's Leading Gujarati Newspaper https://ift.tt/YLGfQKRtl
via IFTTT
ટિપ્પણીઓ નથી: