કેક ખવડાવી-ખભે હાથ રાખ્યો, જાણો કોણ છે રતન ટાટાનો આ યંગ ફ્રેન્ડ

- રતન ટાટા મુંબઈના રહેવાસી શાંતનુ નાયડૂથી એટલા પ્રભાવિત થયા હતા કે, તેમણે પોતે જ ફોન કરીને શાંતનુને જોબ ઓફર કરી હતી

નવી દિલ્હી, તા. 31 ડિસેમ્બર, 2021, શુક્રવાર

દિગ્ગજ ઉદ્યોગપતિ રતન ટાટા કોઈ પરિચયના મોહતાજ નથી. તેઓ પોતાના કામ અને સાદગીને લઈ સમગ્ર વિશ્વમાં પ્રખ્યાત છે. ગત મંગળવારે (28 ડિસેમ્બર) તેમણે જ્યારે પોતાનો 84મો જન્મદિવસ ઉજવ્યો તો તેમાં પણ તેમની સાદગીની ઝલક જોવા મળી હતી. 

બર્થડે સેલિબ્રેશન વખતે તેમની સાથે એક યુવાન પણ હાજર હતો જેની સોશિયલ મીડિયામાં ભારે ચર્ચા જામી છે. લોકોને સવાલ થઈ રહ્યો છે કે, આખરે રતન ટાટાના ખભા પર હાથ રાખનારો આ શખ્સ કોણ છે? 

હકીકતે રતન ટાટાનો જન્મદિવસના સિલેબ્રેશનનો એક વીડિયો વાયરલ થઈ રહ્યો છે જેમાં ટાટા એક ખુરશી પર બેઠા છે અને સામે ટેબલ પર એક નાનકડી કપ કેક છે. દિગ્ગજ ઉદ્યોગપતિએ તે નાનકડી કેક કાપીને જન્મદિવસ ઉજવ્યો હતો. આ દરમિયાન તેમના સાથે એક યુવાન બેસેલો જોવા મળી રહ્યો છે. વીડિયોમાં જોઈ શકાય છે કે, કઈ રીતે તે યુવાન રતન ટાટાની નજીક આવીને ઉભો રહી જાય છે અને તેમના ખભા પર હાથ મુકી દે છે. પછી તે તેમના પાસે જ બેસી જાય છે અને તેમને કેક ખવડાવે છે. 

Boss of companies worth Rs 200 billion, but a frugal birthday celebration ! Hats off to the legend. #RatanTata #ratantatabirthday pic.twitter.com/ozcibsJTYe

— Aviator Anil Chopra (@Chopsyturvey) December 30, 2021

જાણો કોણ છે તે યુવાન

રતન ટાટાની સાથે જોવા મળી રહેલા તે યુવાનનું નામ શાંતનુ નાયડૂ છે અને તે રતન ટાટાનો અંગત સચિવ છે. રતન ટાટા મુંબઈના રહેવાસી શાંતનુ નાયડૂથી એટલા પ્રભાવિત થયા હતા કે, તેમણે પોતે જ ફોન કરીને શાંતનુને જોબ ઓફર કરી હતી. શાંતનુ રતન ટાટાનો 'યુવા મિત્ર' છે. તે ટાટા ગ્રુપમાં આશરે 3 વર્ષથી કામ કરી રહ્યો છે. ઉંમરના તફાવત છતાં તેની રતન ટાટા સાથેની બોન્ડિંગ ખૂબ જ સારી છે જે વીડિયોમાં પણ દેખાઈ આવે છે. હાલ શાંતનુ અને ટાટા સાથે મળીને રસ્તા પર દુર્ઘટનાગ્રસ્ત પશુઓની મદદ માટે કામ કરે છે. 

from Top Stories News - Gujarat Samachar : World's Leading Gujarati Newspaper https://ift.tt/3EJUlpb
via IFTTT