ગુજરાત ચૂંટણી Live : મતદાન શરૂ : PM મોદી, અમિત શાહ, આનંદીબેન પટેલ, ભુપેન્દ્ર પટેલ આ વિસ્તારમાંથી કરશે મતદાન

અમદાવાદ, તા.5 ડિસેમ્બર-2022, સોમવાર

ગુજરાત વિધાનસભા ચૂંટણીનું બીજા તબક્કાનું મતદાન આજે સવારે 8.00 વાગ્યાથી શરૂ થઈ ગયું છે અને સાંજે 5.00 વાગ્યા સુધી મતદારો મતદાન કરી શકશે. બીજા તબક્કાના મતદાનમાં ઉત્તર ગુજરાત અને મધ્ય ગુજરાતના 14 જિલ્લાની 93 બેઠકોનો સમાવેશ થાય છે. બીજા તબક્કામાં 833 ઉમેદારો ચૂંટણી લડી રહ્યા છે, જેમાં 69 મહિલા ઉમેદવારો પણ છે. તો 13 બેઠકો અનુસુચિત જનજાતિ માટે રિઝર્વ બેઠકો છે, જ્યારે 6 બેઠકો અનુસુચિત જાતિ માટે અનામત છે.

Live : ગુજરાત ચૂંટણી

08.14 : બીજા તબક્કામાં આ વિધાનસભા બેઠકો પર મતદાન : વાવ, થરાદ, ધાનેરા, દાંતા, વડગામ, પાલનપુર, ડીસા, દિયોદર, કાંકરેજ, રાધનપુર, ચાણસ્મા, પાટણ, સિદ્ધપુર, ખેરાલુ, ઊંઝા, વિસનગર, બેચરાજી, કડી, મહેસાણા, વિજાપુર, હિમતનગર, ઇડર, ખેડબ્રહ્મા, ભિલોડા, મોડાસા, બાયડ, પ્રાંતિજ, દહેગામ, ગાંધીનગર દક્ષિણ, ગાંધીનગર ઉત્તર, માણસા, કલોલ, વિરમગામ, સાણંદ, ઘાટલોડિયા, વેજલપુર, વટવા, એલિસબ્રિજ, નારણપુરા, નિકોલ, નરોડા, ઠક્કરબાપા નગર, બાપુનગર, અમરાઈવાડી, દરિયાપુર, જમાલપુર ખાડિયા, મણિનગર, દાણીલીમડા, સાબરમતી, અસારવા, દસક્રોઈ, ધોળકા, ધંધુકા, ખંભાત, બોરસદ, આંકલાવ, ઉમરેઠ, આણંદ, પેટલાદ, સોજીત્રા, માતર, નડિયાદ, મહેમદાવાદ, મહુધા, ઠાસરા, કપડવંજ, બાલાસિનોર, લુણાવાડા, સંતરામપુર, શહેરા, મોરવા હડફ, ગોધરા, કાલોલ, હાલોલ, ફતેપુરા, ઝાલોદ, લીમખેડા, દાહોદ, ગરબાડા, દેવગઢ બારિયા, સાવલી, વાઘોડિયા, છોટા ઉદેપુર, જેતપુર પાવી, સંખેડા, ડભોઇ, વડોદરા શહેર, સયાજીગંજ, અકોટા, રાવપુરા, માંજલપુર, પાદરા, કરજણ

08.12 : બીજા તબક્કામાં 93 બેઠકો પર મતદાન : ગુજરાત વિધાનસભાની ચૂંટણીઓમાં બીજા તબક્કામાં 14 જિલ્લાઓમાં 93 બેઠકો પરની ચૂંટણીમાં કુલ બે કરોડ 51 લાખ 58 હજાર 730 મતદારો છે. આમ રાજ્યના કુલ મતદારોની વાત કરીએ તો 4 કરોડ 91 લાખ 35 હજાર 400 મતદારો છે. બીજા તબક્કામાં 17 હજાર 607 પુરૂષ અને 664 મહિલા મતદારો મળી 18  હજાર 271 સેવા મતદારોનો સમાવેશ થાય છે.

08.10 : મધૂસૂદન મિસ્ત્રી ગાંધીનગરમાં, અમિત શાહ નારણપુરામાં, ભુપેન્દ્ર પટેલ અને આનંદીબેન પટેલ શીલજમાં, જગદીશ ઠાકો નરોડામાં, ભરતસિંહ સોલંકી દેદરડામા કરશે મતદાન

08.05 : PM મોદીએ ટ્વિટ કરી અચૂક મતદાન કરવા અનુરોધ કર્યો

ગુજરાત વિધાનસભાની ચૂંટણીના બીજા તબક્કાના મતદાનમાં સૌ નાગરિકોને, ખાસ કરીને યુવા તેમજ મહિલા મતદારોને, અચૂક મતદાન કરવા માટે અનુરોધ કરું છું.

હું સવારે 9 વાગ્યે અમદાવાદમાં મારો મત આપીશ.

— Narendra Modi (@narendramodi) December 5, 2022

08.03 : ગુજરાત ચૂંટણીને લઈને દિલ્હી મુખ્યમંત્રી અરવિંદ કેજરીવાલે પણ ટ્વિટ કર્યું

दूसरे चरण में आज गुजरात की 93 सीटों पर मतदान है। सभी मतदाताओं से मेरी अपील-

ये चुनाव गुजरात की नई उम्मीदों और आकांक्षाओं का चुनाव है। दशकों बाद आया एक बहुत बड़ा मौक़ा है। भविष्य की तरफ़ देखते हुए गुजरात की उन्नति का वोट ज़रूर देकर आएँ, इस बार कुछ अलग और अद्भुत करके आएँ।

— Arvind Kejriwal (@ArvindKejriwal) December 5, 2022

08.02 : કેન્દ્રીય ગૃહમંત્રી અમિત શાહે ટ્વિટ કરી મતદારોને વિક્રમજનક મતદાન કરવા અપીલ કરી

ગુજરાતમાં આજે બીજા અને છેલ્લા તબક્કાનું મતદાન છે. આ તબક્કાના તમામ મતદારોને, ખાસ કરીને યુવાનોને અપીલ કરું છું કે ગુજરાતમાં શાંતિ અને સમૃદ્ધિ સુનિશ્ચિત કરતી સરકારને પ્રચંડ બહુમતી સાથે વિજયી બનાવવા વિક્રમજનક સંખ્યામાં મતદાન કરીએ.

તમારા એક મતમાં ગુજરાતનું સુવર્ણ ભવિષ્ય સમાયેલું છે.

— Amit Shah (@AmitShah) December 5, 2022

08.00 : વડાપ્રધાન નરેન્દ્ર મોદી આજે રાણીપની નિશાન સ્કૂલમાં મતદાન કરશે. તેઓ સાબરમતી વિસ્તારના મતદાર છે. ઉલ્લેખનિય છે કે, PM મોદી ગઈકાલથી ગુજરાત આવી ગયા છે. PM મોદીએ મતદાન પહેલા ગઈકાલે ગાંધીનગર ખાતે માતા હીરાબાના આર્શિવાદ લીધા હતા અને ત્યાર બાદ કમલમ્ ખાતે ગૃહમંત્રી અમિત શાહ, મુખ્યમંત્રી ભુપેન્દ્ર પટેલ અને સી.આર.પાટીલ સાથે બેઠક યોજી હતી.

મતદારો માટે ઉપયોગી માહિતી

• National Voters Service Portal (NVSP) - www.nvsp.in : મતદાર યાદી ડાઉનલોડ કરવા અને મતદાર યાદીમાં પોતાનું નામ શોધવા માટે, e-EPIC ડાઉનલોડ કરવા માટે, તમારા મતવિસ્તારની વિગતો જાણવા માટે, તમારા વિસ્તારના BLO અને મતદાન નોંધણી અધિકારીની વિગતો મેળવવા માટે આ એપનો ઉપયોગ કરી શકશો.
• મુખ્ય નિર્વાચન અધિકારીશ્રી, ગુજરાતની વેબસાઈટ – ceo.gujarat.gov.in : ઉમેદવારોના ફોટોગ્રાફ્સ, શૈક્ષણિક લાયકાત, મિલકતો અને ગુનાહિત ઈતિહાસ સહિતની માહિતી મેળવવા માટે તેમજ મતદાન મથકોની યાદી અને મતદાર યાદી સંબંધિત માહિતી મેળવવા માટેની વિગત આ વેબસાઈટ પરથી મેળવી શકશો.
• પોતાનું મતદાન મથક શોધવા માટે, ઉમેદવારની માહિતી મેળવવા માટે, તબક્કાવાર ચૂંટણી પરિણામો જાણવા માટે, EVM વિશેની વિગતો મેળવવા માટે Voters Helpline App એપનો ઉપયોગ કરી શકશો.
• ઉમેદવારોના ફોટોગ્રાફ્સ, શૈક્ષણિક લાયકાત, મિલકતો અને ગુનાહિત ઈતિહાસ સહિતની માહિતી મેળવવા માટે Know Your Candidate એપનો ઉપયોગ કરી શકાશે.
• જો તમે આચારસંહિતા ભંગ થયું હોવાનું લાગે તો c-VIGIL App ફરિયાદ નોંધાવી શકશો.
• દિવ્યાંગ મતદાર તરીકે નોંધણી કરાવવા, વ્હિલચેરની સુવિધા મેળવવા માટે, પોતાના મતદાન મથકનું સ્થળ જાણવા માટે PwD Appનો ઉપયોગ કરી શકશો.

from Top Stories News - Gujarat Samachar : World's Leading Gujarati Newspaper https://ift.tt/mPRNUa8
via IFTTT