જી-7 જેવા જૂથો દુનિયા પર રાજ નહીં કરી શકે : ચીનની ચીમકી

નાના દેશોને મદદના બહાને ગુલામ બનાવવાની પોતાની નીતિ સામે જી-7 એક થતાં ડ્રેગન છંછેડાયું 

અમારા માટે અમીર કે ગરીબ બન્ને દેશો સમાન  ગરીબ દેશ તિબેટને પચાવી પાડનારા ચીનની શેખી

અમેરિકા, બ્રિટન, કેનેડા, જાપાન, ફ્રાંસ, ઇટાલી, જર્મનીએ ચીનના પ્રભુત્વ પર કાતર ફેરવવા રણનીતિ ઘડી

લંડન : કોરોના મહામારી વચ્ચે જી-7 દેશોની સમિટ મળી હતી, જેમાં સૌથી અમીર દેશોએ ચીન સામે રણનીતિ ઘડી કાઢી છે જેને પગલે ડ્રેગન છંછેડાયું છે. સમગ્ર વિશ્વમાં કોરોના ફેલાવનારા ચીને હવે જી-7 દેશોને સીધી ધમકી આપી દીધી છે અને કહ્યું છે કે હવે જી-7 જેવા નાના જૂથો દૂનિયા પર રાજ નહી કરી શકે.

ચીને ગુ્રપ ઓફ સેવન તરીકે ઓળખાતા આ સંગઠનના દેશોને સ્પષ્ટ રૂપે ચેતાવણી આપતા કહ્યું છે કે હવે તે દિવસો પુરા થઇ ગયા જ્યારે નાના સમૂહ વાળા દેશો દુનિયા પર રાજ કરતા હતા. જી-7 સમિટમાં ચીન વિરૂદ્ધ ઘણા નિર્ણયો લેવાયા છે જેને પગલે ડ્રેગન છંછેડાયુ હતું અને સીધી ધમકી આપવા લાગ્યું છે.  

લંડન સિૃથત ચીનના હાઇ કમિશનના એક પ્રવક્તાએ કહ્યું કે એક સમય હતો જ્યારે જી-7 જેવા નાના સમૂદ સાથે જોડાયેલા દેશો વૈશ્વિક નિર્ણયો લેતા હતા. જોકે હવે તે સમય પુરો થઇ ગયો છે, અમે માનીએ છીએ કે નબળો-ગરીબ તે તાકતવર એમ દરેક દેશ બરાબર છે. વૈશ્વિક સ્તરે દરેક દેશોની સાથે ચર્ચા વિચારણા બાદ જ કોઇ મોટો નિર્ણય લેવો જોઇએ. 

જી-7 દેશોના નેતાઓની બ્રિટનમાં બેઠક યોજાઇ ગઇ જેમાં ચીનને તેની શાન ઠેકાણે લાવવા અંગેની રણનીતિ ઘડવામાં આવી હતી. દુનિયાના સૌથી અમીર દેશો આ જી-7 દેશોના સભ્યો છે જેમાં અમેરિકા, બ્રિટન, કેનેડા, જાપાન, ફ્રાંસ, ઇટાલી, જર્મની સામેલ છે.

આ દેશોનું માનવુ છે કે ચીનની વધી રહેલી બેકાબુ તાકાતને રોકવા માટે વૈશ્વિક સ્તરે સમાધાન કાઢવાનો પ્રયાસ કરવામાં આવશે. જી-7 દેશોના નેતાઓએ ચીનના વૈશ્વિક અભિયાનનો જવાબ આપવા માટે એક પાયાની યોજના લોંચ કરી છે. 

માનવ અિધકારોના ઉલ્લંઘન પર ચીનને આગળ વધતુ કેવી રીતે અટકાવી શકાય તે અંગે પણ ચર્ચા ચાલી રહી છે. અમેરિકાના રાષ્ટ્રપતિ જો બાઇડને જી-7 સમિટમાં એક એવી રણનીતિ ઘડી કાઢી છે જેમાં લોકશાહીમાં માનતા દેશો પર બંધુઆ મજદૂરી પ્રથાઓને લઇને ચીનનો બહિષ્કાર કરવા માટે વૈશ્વિક સ્તરે દબાણ વધારવામાં આવશે.   

આ ઉપરાંત ચીનના રાષ્ટ્રપતિ શી જિનપિંગના ડ્રીમ પ્રોજેક્ટ ગણાતા વન બેલ્ટ વન રોડ (ઓબીઓઆર)ની સામે એક યોજના ઘડી કાઢવા માટે જી-7 દેશો સહમત થયા હતા. જેનાથી ચીનને હજારો કરોડ ડોલરનું નુકસાન થવાની શક્યતાઓ છે.  જેને પગલે જ ચીને હવે સીધા આ જી-7 દેશોને નિશાન બનાવવાની તૈયારી કરી લીધી છે અને તેની શરૂઆત પણ કરી દીધી છે. 

વન બેલ્ટ વન રોડ યોજનાને પતાવી ચીનને આર્થિક ભીંસમાં લેવાશે

ચીનની વન બેલ્ટ વન રોડ યોજના અંતર્ગત શ્રીલંકા, પાકિસ્તાન સહિત આફ્રિકામાં પણ ચીન પોતાની જાળ બીછાવી રહ્યું છે. આ દેશોને મોટી રકમની લોન આપે છે અને બાદમાં તેને પોતાના ગુલામ બનાવી લે છે. પાકિસ્તાન દ્વારા પણ ચીન પાસેથી કરોડો રૂપિયાની લોન લેવામાં આવી છે. ચીનની રણનીતિ એ છે કે તે આ દેશોને મોટી લોન આપીને તેને દેવાની જાળમાં ફસાવે છે. બાદમાં તેનો ઉપયોગ પોતાની ઇચ્છા મુજબ કરે છે. આ એક પ્રકારની બંધુઆ મજદુર જેવી સિૃથતિ હોય છે જેમાં લોન લેનારા દેશોએ ચીનના ઇશારે કામ કરવું પડે છે અને તેમાં સૌથી મોટુ ઉદાહરણ પાકિસ્તાન છે.  

બ્રિટનમાં જી-7 સમિટ પૂર્ણ થઇ 

વૈશ્વિક સ્તરે કોરોના રસીકરણ અભિયાન માટે જી-7 દેશો એક થયા

ગરીબ દેશોને રસી મુદ્દે મદદ કરી જી-7 દેશો કોરોના ફેલાવનારા ચીનનું નાક દબાવશે 

બ્રિટનમાં યોજાયેલી જી-7 દેશોની સમિટમાં મુખ્ય ઉદ્દેશ્ય ચીનના વધી રહેલા પ્રભુત્વને ઘટાડવાનો કે કાબુમાં લેવાનો ઉપરાંત કોરોના રસી અને ક્લાઇમેટ ચેંજ પણ છે. ત્રણ દિવસ ચાલેલી આ સમિટનો રવિવારે અંત આવી ગયો હતો.   

જી-7 દેશોએ કોરોના સામે પહોંચી વળવા માટે વૈશ્વિક સ્તરે રસીકરણ અભિયાનને ઝડપી બનાવવા માટે સહમતી વ્યક્ત કરી હતી. જી-7 દેશોએ ચીનની સામે રસી મુદ્દે એક રણનીતિ ઘડી કાઢી છે. જેમાં આ દેશો ગરીબ દેશોને રસીકરણ મુદ્દે મદદ કરવા માટે આગળ આવ્યા છે. આમ કરીને એવા દેશોને ચીનથી દુર રાખશે કે જે લોન અને અન્ય મદદ લઇને ચીનના ગુલામ બની રહ્યા છે.

અમેરિકાના પ્રમુખ જો બાઇડને જી-7 દેશોની બેઠકમાં ચીન દ્વારા સૃથાનિક મુસ્લિમો પર જે અત્યાચાર થઇ રહ્યો છે તે મુદ્દો પણ ઉઠાવ્યો હતો. જોકે તેમની સાથે આ જુથના અન્ય દેશો સહમત  થયા હતા કે કેમ તે મામલે સ્પષ્ટતા નથી થઇ શકી. જી-7ની ત્રણ દિવસ સુધી ચાલેલી આ બેઠક પૂર્ણ થઇ ગઇ હતી. વિશ્વના સૌથી અમીર દેશોના આ સમૂહનો સીધો ટાર્ગેટ આ વખતે ચીન રહ્યું છે.

from Top Stories News - Gujarat Samachar : World's Leading Gujarati Newspaper https://ift.tt/3iErmfe
via IFTTT