બ્રિટનમાં મોટાપાયે વેક્સિનેશન છતા કોરોનાના કેસમાં ફરી ઉછાળો, લોકડાઉન લંબાવવા વિચારણા

નવી દિલ્હી,તા.12 જૂન 2021,શનિવાર

બ્રિટનમાં કોરોનાના નવા ડેલ્ટા વેરિઅન્ટના કારણે કોરોનાના કેસમાં ઉછાળો જોવા મળી રહ્યો હોવાથી બ્રિટિશ સરકારની ચિંતા વધી ગઈ છે. મહત્વની વાત એ છે કે, બ્રિટનમાં ઘણા ખરા નાગરિકોને રસી મુકાઈ ગઈ છે .આમ છતા કોરોનાના કેસમાં ઉછાળો જોવા મળ્યો છે.

એ પછી હવે કોરોના વાયરસના નવા કેસના કારણે લોકડાઉન પ્રતિબંધો પણ લંબાવી દેવાયા છે. બ્રિટિશ પીએમ બોરિસ જોનસન પ્રતિબંધો હટાવવા માટે સોમવારે જાહેરાત કરવાના હતા પણ હવેપ્રતિબંધ હટાવવા માટે કદાચ વધારે સમય સરકાર લેશે તેવુ લાગી રહ્યુ છે. હજી પણ કોરોનાના કારણે મુકાયેલા પ્રતિબંધ એક મહિનો લંબાવાય તેવુ મનાઈ રહ્યુ છે.

જો આવુ થયુ તો ઈંગ્લેન્ડમાં 19 જૂનને હટનારૂ લોકડાઉન 19 જુલાઈ સુધી લંબાઈ શકે છે. તાજેતરમાં જ બોરિસ જોનસને કોરોનાના વધતા જતા કેસને લઈને ચેતવણી આપી હતી. જોકે પીએમ ઓફિસ તરફથી લોકડાઉન લંબાવવા અંગે કોઈ ટિપ્પણી હજી સુધઈ કરવામાં આવી નથી.

ઉલ્લેખનીય છે કે, બ્રિટનમાં કોરોનાથી જીવ ગુમાવનારાઓની સંખ્યા 1.27 લાખ પર પહોંચી ચુકી છે. જોકે મોતનો આંકડો ઘટી રહયો છે. જેની પાછળ લોકડાઉન અને વેક્સિનેશનને મોટી ભૂમિકા ભજવી છે. આમ છતા કોરોનાના કેસમાં તાજેતરમાં ઉછાળો જોવા મળ્યા હોવાથી સરકાર ચિંતામાં છે અને હવે બ્રિટનમાં લોકડાઉન લંબાવવા પર વિચાર કરવામાં આવી રહ્યો છે.

from Top Stories News - Gujarat Samachar : World's Leading Gujarati Newspaper https://ift.tt/3vmb8d3
via IFTTT