પેટ્રોલ-ડીઝલના વધતા ભાવ વચ્ચે રાજ્ય સરકારે ઇલેક્ટ્રિકલ વ્હીકલ પોલીસી જાહેર કરી

ગાંધીનગર, તા. 22 જૂન 2021, મંગળવાર

કોરોનાકાળમાં પેટ્રોલ-ડીઝલના વધી રહેલા ભાવ વચ્ચે રાજ્યના મુખ્યમંત્રી વિજય રૂપાણી ઇલેક્ટ્રીક વ્હીકલ પોલીસીની જાહેરાત કરી છે. 

વિજય રૂપાણીએ આ અંગે જણાવ્યું કે, ‘ગુજરાતમાં અનેક વિષયો પર પોલિસી જાહેર કરાઇ છે. ભારતમાં ગુજરાતએ પોલિસી ગ્રીવન સ્ટેટ મુદ્દે આગવી ઓળખ ઊભી કરી છે. ગુજરાતને પ્રદૂષણમુક્ત કરવાનો પ્રયાસ શરૂ છે.’

પેટ્રોલ અને ડિઝલના ભાવથી પરેશાન લોકો માટે કેન્દ્ર સરકાર પણ હવે ટૂંક સમયમાં મોટો નિર્ણય લે તેવી શક્યતાઓ જોવા મળી રહી છે. સરકાર ઓટોમોબાઈલ ઈન્ડસ્ટ્રીમાં ફ્લેક્સ-ફ્યૂલ એન્જીન (Flex-fuel Engine) ને અનિવાર્ય બનાવવા પર વિચાર કરી રહી છે. કેન્દ્રીય માર્ગ પરિવહન વિભાગ અને રાજમાર્ગ મંત્રી નિતિન ગડકરીએ આ જાણકારી આપી હતી, કેન્દ્રીય મંત્રીએ જણાવ્યું કે આ પગલાંથી ખેડૂતોને મોટી મદદ મળશે અને દેશની અર્થવ્યવ્સ્થાને વેગ મળશે.

નીતિન ગડકરીએ રોટરી જિલ્લા સમ્મેલન 2020-21(Rotary District Conference 2020-21)ના વીડિયો કોન્ફોરન્સ દ્વારા સંબોધિત કરતા જણાવ્યું હતુ કે વૈકલ્પિક ઈંધણ ઈથેનોલની કિંમત 60-62 રૂપિયા પ્રતિ લિટર છે. જ્યારે દેશના ઘણાં ભાગોમાં પેટ્રોલની કિંમત (Petrol Price) 100થી પણ વધુ છે. આ માટે ઈથેનોલના ઉપયોગથી ભારતીયોને 30-35 રૂપિયા પ્રતિ લિટરની બચત થશે.

from Top Stories News - Gujarat Samachar : World's Leading Gujarati Newspaper https://ift.tt/3gJEsX6
via IFTTT