French Open 2021 : નોવાક જોકોવિચ બન્યો ચેમ્પિયન, 19 મો ગ્રાન્ડ સ્લેમ ખિતાબ જીત્યો

નવી દિલ્હી, 14 જુન 2021 રવિવાર

વિશ્વના નંબર-1 ખેલાડી સર્બિયાના નોવાક જોકોવિચે રવિવારે ફ્રેન્ચ ઓપનની પુરૂષ સિંગલ્સ ફાઇનલમાં ગ્રીક યુવા સ્ટેફાનોસ સિતસિપાસને હરાવીને વર્ષનો બીજો ગ્રાન્ડ સ્લેમ જીતી લીધો છે. જોકોવિચે આ મેચ 6-7 (6-8), 2-6, 6-3, 6-2, 6-4થી જીતી લીધી. જોકોવિચે સેમિફાઇનલમાં સ્પેનિશના દિગ્ગજ ખેલાડી અને ક્લે કોર્ટના બાદશાહ મનાતા રાફેલ નડાલને હરાવીને ફાઇનલમાં પ્રવેશ મેળવ્યો હતો. જ્યારે, સિતસિપાસે જર્મનીના એલેક્ઝાંડર ઝ્વેરેવને હરાવીને પ્રથમ વખત કોઇ ગ્રાન્ડ સ્લેમની ફાઇનલની ટિકિટ કપાવી હતી. જોકોવિચની કારકિર્દીનું આ બીજું ફ્રેન્ચ ઓપન છે અને તેની કારકિર્દીનું 19 મો ગ્રાન્ડ સ્લેમ ખિતાબ છે.

જોકોવિચે 52 વર્ષમાં સિતસિપાસને પરાજિત કરીને પ્રથમ ગ્રાન્ડ સ્લેમ સિંગલ્સનો ટાઇટલ બે વાર જીત્યો છે. તે રોય ઇમર્સન અને રોડ લાવેર સિવાય ફક્ત ત્રીજો ખેલાડી છે, જેણે ચારેય ગ્રાન્ડ સ્લેમ બે-બે વાર જીત્યા હોય. 20 ગ્રાન્ડ સ્લેમ જીતી ચૂકેલા નડાલ અને ફેડરર હજી સુધી તે કરી શક્યા નથી. 1969 માં, લાવેર ચારેય ગ્રાન્ડ સ્લેમ્સને એક કરતા વધુ વખત જીતવાની સિદ્ધિ હાંસલ કરી હતી.

બે સેટ હાર્યા બાદ વાપસી કરી

સિતસિપાસે શરૂઆતમાં બે સેટ જીત્યા. જોકોવિચે પ્રથમ સેટમાં ગ્રીકનાં યુવાન ખેલાડીને સારી ટક્કર આપી પરંતુ તે સેટ 6-7 (6-8) થી હારી ગયો. આ જીતથી સિતસિપાસનો આત્મવિશ્વાસ વધ્યો અને તે બીજો સેટ 6-2થી જીતવામાં સફળ રહ્યો. મહાન ખેલાડીઓમાં ગણાતા જોકોવિચે હાર ન માની અને વાપસી કરી. ત્રીજા સેટની શરૂઆતમાં સ્કોર 1-1 હતો પરંતુ પછી જોકોવિચે તેને 4-1 કરી દીધો અને ત્યારબાદ તે સેટ 6-3થી સેટ જીતીને મેચ ચોથા સેટમાં પહોચાડી દીધી.

from Top Stories News - Gujarat Samachar : World's Leading Gujarati Newspaper https://ift.tt/3xwGQpR
via IFTTT