DRI દવર અમદવદ એરપરટથ ર. કરડન કમતન બલક કકઇન જપત કરય

અમદાવાદ, બુધવાર

ડાયરેક્ટોરેટ ઓફ રેવન્યુ ઇન્ટેલીજન્સ (ડીઆરઆઇ) દ્વારા અમદાવાદના સરદાર વલ્લભભાઇ પટેલ ઇન્ટરનેશનલ એરપોર્ટ પરથી  બ્રાઝિલિયન નાગરિક પાસેથી રૂપિયા ૩૨ કરોડની કિંમતના ૩.૨૨ કિલો બ્લેક કોકેઇનનો જથ્થો  જપ્ત કરવામાં આવ્યો છે.     ડ્રગ્સની હેરફેરની નવી મોડ્સ ઓપરેન્ડીનો ઉપયોગ કરીને  બ્રાઝિલિયન કેરિયરે કોકેઇનને  કેટલાંક અન્ય રસાયણો સાથે પ્રોસેસ કરીને બેગની લેયર તરીકે છુપાવીને હેરફેર કરી હતી.  ડીઆરઆઇ દ્વારા બ્લેક કોકેઇન જપ્ત થયાનો આ પ્રથમ કિસ્સો છે.  ે બ્રાઝિલિયન નાગરિક બ્રાઝિલના સાઉપાઉલો એરપોર્ટથી કોકેઇનનો જથ્થો લઇને આવ્યો હતો. આ અંગે ડીઆરઆઇ દ્વારા વધુ તપાસ હાથ ધરવામાં આવી છે. ડાયેરેક્ટોરેટ ઓફ  રેવન્યુ ઇન્ટેલીજન્સના અધિકારીઓને  ચોક્કસ બાતમી મળી હતી કે બ્રાઝીલના સાઉપાઉલો એરપોર્ટથી ેઆવેલા એક બ્રાઝિલિયન કેરિયર દ્વારા  કોકેઇનનો મોટો જથ્થો અમદાવાદ ઇન્ટરનેશનલ એરપોર્ટ પર લાવવામાં આવી રહ્યો છે. જે બાતમીને આધારે મંગળવારથી એરપોર્ટ પર  બ્રાઝિલના સાઉપાઉલો એરપોર્ટથી આવેલા એક શંકાસ્પદ વ્યક્તિને રોકીને તપાસ કરવામાં આવી હતી. જો કે પ્રાથમિક તપાસમાં કોઇ શંકાસ્પદ ચીજવસ્તુઓ મળી નહોતી. પરંતુ, તેના પાસે રહેલી ટેલીે બેગ અને  કેબિન બેગના તળિયા અને લેયર સામાન્ય કરતા વધારે જાડુ હોવાથી  શંકાને આધારે તપાસ કરતા ૩.૨૨ કિલો  વજનનું બ્લેક કોકેઇન મળી આવ્યું હતું.  જે ચારકોલ અને અન્ય કેમીકલ સાથે ભેળવીને બેગની તળિયા અને ઉપરની લેયરમાં છુપાવવામાં આવ્યું હતું.  બ્રાઝિલનો નાગરિક  પ્રવાસી વિઝા પર આવ્યો હતો. આંતરરાષ્ટ્રીય બજારમાં  આ બ્લેક કોકેઇનની કિંમત ૩૨ કરોડ રૂપિયા અંદાજવામાં આવી છે. ડીઆરઆઇ દ્વારા બ્લેક કોકેઇન જપ્ત કરાયાનો આ પ્રથમ કિસ્સો છે.  જે અંગે વધુ તપાસ કરવાાં આવી રહી છે.

 બેગના તળિયામાં છુપાવવાની નવી મોડ્સ ઓપરેન્ડી

બ્લેક કોકેઇનને ડીઝાઇનર ડ્ગ્સ તરીકે ઓળખવામાં આવે છે અને તેને વિવિધ રસાયણો સાથે ભેળવી દેવામાં આવતા તેની હેરફેર સમયે ઓળખવું મુશ્કેલ બને છે.  તેમાં પણ બેગની તળિયા અને લેયરમાં છુપાવવાની મોડ્સ ઓપરેન્ડીથી તેને પકડવું અઘરૂ હતું અને અમદાવાદમાં ડ્રગ્સની હેરફેરની આ નવી મોડ્સ ઓપરેન્ડી બહાર આવતા ડીઆરઆઇ સહિતની એજન્સીઓના અધિકારીઓ પણ ચોંકી ઉઠયા હતા.

from Top Stories News - Gujarat Samachar : World's Leading Gujarati Newspaper https://ift.tt/mP0jB7M
via IFTTT