ચૂંટણી પરીણામોથી મોદીને આગામી રાષ્ટ્રપતિ પસંદ કરવાની તક મળી

વિધાનસભાની ચૂંટણીઓમાં ભાજપનો દબદબો યથાવત રહ્યો

ઉત્તર પ્રદેશમાં સપાની સરકાર બની હોત તો ભાજપે રાષ્ટ્રપતિની ચૂંટણીમાં સાથી પક્ષોની મદદ લેવી પડી હોત

રામનાથ કોવિંદનો કાર્યકાળ જુલાઇમાં પુરો થશે, ત્રણ મહિનામાં રાષ્ટ્રપતિ માટે ચૂંટણી યોજાય તેવી શક્યતા

નવી દિલ્હી : પાંચ રાજ્યોની વિધાનસભાની ચૂંટણીઓમાં ભાજપનો સ્પષ્ટ દબદબો જોવા મળી રહ્યો છે. આ પરીણામોની સાથે જ રાષ્ટ્રપતિની ચૂંટણીમાં ભાજપનું પલડુ હવે ભારે થઇ ગયું છે. રાષ્ટ્રપતિની ચૂંટણી આ વર્ષે જ યોજાવા જઇ રહી છે. ખાસ કરીને ઉત્તર પ્રદેશમાં ભાજપની સ્પષ્ટ બહુમત સાથે જ રાષ્ટ્રપતિ પદ માટે કોને પસંદ કરવા તે માટે નરેન્દ્ર મોદીને મોકળુ મેદાન મળી ગયું છે. 

વર્તમાન રાષ્ટ્રપતિ રામનાથ કોવિંદનો કાર્યકાળ આ વર્ષે જુલાઇ મહિનામાં પુરો થવા જઇ રહ્યો છે. એવામાં રાષ્ટ્રપતિ પદની ચૂંટણી પણ આ જ વર્ષે યોજાઇ જશે. જો ઉત્તર પ્રદેશમાં સમાજવાદી પાર્ટીની સરકાર બની હોત તો ભાજપે રાષ્ટ્રપતિની ચૂંટણી જીતવા માટે પોતાના અન્ય સાથી દળો જેવા કે બીજેડી, ટીઆરએસ, વાયએસઆર કોંગ્રેસનો ટેકો લેવો પડે તેવી સિૃથતિ ઉભી થઇ શકી હોત.

એવી શક્યતાઓ છે કે આ વર્ષે બે ત્રણ મહિનામાં જ રાષ્ટ્રપતિની ચૂંટણી યોજાઇ શકે છે. કોંગ્રેસ હાલ પાંચમાંથી એક પણ રાજ્યમાં આગળ નથી. પંજાબમાં તેની સરકાર હતી પણ હાલ આમ આદમી પાર્ટી મજબૂત સિૃથતિમાં આવી ગઇ છે. સૌથી મોટા રાજ્ય ઉત્તર પ્રદેશમાં કોંગ્રેસ નિચલા સ્તર પર છે. જ્યારે આ પાંચમાંથી ચાર રાજ્યોમાં ભાજપની સિૃથતિ મજબૂત છે. એવામાં રાષ્ટ્રપતિની ચૂંટણી પર વિધાનસભાની ચૂંટણીના આ પરીણામોની મોટી અસર જોવા મળશે. 

રાષ્ટ્રપતિની ચૂંટણીમાં દેશના બધા જ રાજ્યોમાંથી ચૂંટાયેલા ધારાસભ્યો અને સાંસદો મતદાન કરે છે. એવામાં કોંગ્રેસે એક રાજ્ય ગુમાવી દીધુ છે જ્યારે ભાજપ હતુ તે જ સિૃથતિમાં ફરી આવી ગયું છે. હાલ લોકસભામાં એનડીએ પાસે 62 ટકા અને યુપીએ પાસે 20 ટકા અને અન્યોની પાસે 18 ટકા બેઠકો છે. જ્યારે રાજ્યસભામાં એનડીએ પાસે 49 ટકા, યુપીએ પાસે 21 ટકા અને અન્યોની પાસે 30 ટકા બેઠકો છે.

વિધાનસભાઓની સિૃથતિ પર નજર કરીએ તો એનડીએ પાસે 44 ટકા, યુપીએ પાસે 30 ટકા, અન્યોની પાસે 26 ટકા બેઠકો છે. તેથી રાષ્ટ્રપતિની ચૂંટણીમાં પણ ભાજપનું પલડુ ભારે છે. જોકે ઉત્તર પ્રદેશ જેવા રાજ્યોમાં ફરી ભાજપની સરકાર બની રહી હોવાથી ભાજપના ધારાસભ્યોની સાથે સાથે રાજ્યસભાના સાંસદોની સંખ્યામાં પણ વધારો થશે. જેની સીધી અસર રાષ્ટ્રપતિની ચૂંટણી પર જોવા મળશે.

from Top Stories News - Gujarat Samachar : World's Leading Gujarati Newspaper https://ift.tt/MgdbXZy
via IFTTT