આજે લેવાનાર જુનિયર કલાર્કની પરીક્ષા મોકૂફ, 9,53,723 ઉમેદવારો પરીક્ષા આપવાના હતા

Image : GPSSB Website screen grab

ગાંધીનગર, 29 જાન્યુઆરી 2023, રવિવાર

આજે લેવાનાર જુનિયર ક્લાર્કની પરીક્ષા મોકૂફ જાહેર કરવામાં આવી છે. હજારો વિદ્યાર્થીઓ આ પરિક્ષા માટે પરિક્ષા સ્થળ પર જવા માટે રવાના થયા હતા. આ પરિક્ષા માટે 9 લાખ કરતા પણ વિદ્યાર્થીઓએ ફોર્મ ભર્યા હતા. પ્રાપ્ત માહિતી મુજબ એક યુવક પાસેથી આ પરિક્ષાના પ્રશ્નપત્રની નકલ મળી હતી. પોલીસે આ યુવકની ધરપકડ કરી હતી. આજે 11 વાગ્યે પરીક્ષા યોજાવાની હતી. ગુજરાત ગૌણ સેવા પસંદગી મંડળની વેબસાઈટ પર આ પરિક્ષા મોકૂફ રાખવા અંગે માહિતી મુકવામાં આવી છે.

ગુજરાતના 2,995 કેન્દ્રો પર યોજાવવાની હતી પરીક્ષા

ગુજરાતમાં આજે યોજાનાર જુનિયર ક્લાર્કની પરિક્ષા રદ્દ કરી દેવામાં આવી હતી. આજે આ પરિક્ષાના પ્રશ્રનપત્રની નકલ સાથે એક યુવકની ધરપકડ કરવામાં આવી હતી. આજે 11 વાગ્યે રાજ્યના 2995 કેન્દ્રો પર પરિક્ષા યોજાવાની હતી. આ પરિક્ષા માટે 9 લાખ કરતા પણ વધારે વિદ્યાર્થીઓએ ફોર્મ ભર્યા હતા. આજે હજારો વિદ્યાર્થીઓ પોતાના પરિક્ષા કેન્દ્ર પર પહોંચવા માટે બસ સ્ટેન્ડ પર પહોંચી ગયા હતા અને ઘણા વિદ્યાર્થીઓ પોતાના પરિક્ષા કેન્દ્રો દૂર હોવાથી પરિક્ષા માટે રવાના થઈ ગયા હતા. આજે પરિક્ષા રદ્દ થતા હવે નવી તારીખ જલ્દી જ જાહેર કરવામાં આવશે. આજે પરિક્ષામાં કોઈ ગેરરીતી ન થાય તે માટે રાજ્યભરમાં પરિક્ષા સ્થળ પર 144ની કલમ લગાડવામાં આવી હતી.

 

વિદ્યાર્થીઓ વિનામુલ્યે એસ.ટીમાં મુસાફરી કરી શક્શે

આજે લેવાનાર જુનિયર કલાર્કની પરિક્ષા રદ્દ થતા પંચાયત મંડળ દ્વારા વધુ એક જાહેરાત કરતા હવે ઉમેદવારો પરિક્ષા સ્થળ પરથી તેમના મુળ રહેઠાણ સુધી પહોંચવા માટે ગુજરાત એસ.ટીમાં વિનામુલ્યે પ્રવાસ કરી શક્શે. આ માટે વિદ્યાર્થીઓ પાસે હોલ ટીકીટ, કોલ લેટર અને અસલ ફોટો ઓળખ પત્ર સાથે રાખવાનો રહેશે. આ જાહેરાત મંડળના વેબસાઈટ પર મુકવામાં આવી છે.

from Top Stories News - Gujarat Samachar : World's Leading Gujarati Newspaper https://ift.tt/3is4VhK
via IFTTT