ભારતની ધ એલિફન્ટ વ્હિસ્પરર્સ ઓસ્કાર એવોર્ડ જીતી, નાટૂ-નાટૂ સોન્ગ પર ધમાકેદાર પરફોર્મન્સ

image : Twitter

95માં એકેડમી એવોર્ડની શરૂઆત થઇ ચૂકી છે. આ વખતે ભારત માટે ઓસ્કાર એવોર્ડ્સ ખૂબ જ મહત્ત્વપૂર્ણ છે. આરઆરઆર ફિલ્મનો નાટૂ નાટૂ સોંગ ઓસ્કાર 2023માં ઓરિજિનલ સોન્ગ કેટેગરીમાં સામેલ છે. ઓલ ધેટ બ્રીદ્સ ફિલ્મ બેસ્ટ ડોક્યુમેન્ટ્રી ફીચર ફિલ્મની કેટેગરીમાં નોમિનેટ થઈ હતી. આ ગુજરાતી ફિલ્મને શૌનક સેને ડાઈરેક્ટ કરી હતી. ભારતને આંચકો લાગ્યો છે. ભારતની ઓલ ધેટ બ્રીદ્સ ઓસ્કારની રેસમાંથી બહાર થઇ ગઇ છે.  બેસ્ટ ઈન્ટરનેશનલ ફીચર ફિલ્મનો ઓસ્કાર એવોર્ડ જર્મનીની ઓલ ક્વાઈટ ઓન ધ વેસ્ટર્ન ફ્રન્ટને મળ્યો છે.  ભારતની ધ એલિફન્ટ વ્હિસ્પરર્સ ઓસ્કાર એવોર્ડ જીતી ગઈ છે. તેને ધ બેસ્ટ ડોક્યુમેન્ટ્રી શોર્ટ ફિલ્મનો એવોર્ડ મળ્યો. 

India's 'The Elephant Whisperers' wins #Oscars award for the Best Documentary Short Film#Oscars #Oscars95 #AcademyAwards pic.twitter.com/HSTNs2JeFc

— DD News (@DDNewslive) March 13, 2023

ધ એલિફન્ટ વ્હિસ્પરર્સને બેસ્ટ ડોક્યુમેન્ટ્રી શોર્ટ ફિલ્મનો ઓસ્કાર એવોર્ડ જીત્યો

ધ એલિફન્ટ વ્હિસ્પરર્સને બેસ્ટ ડોક્યુમેન્ટ્રી શોર્ટ ફિલ્મમાં નોમિનેશન મળ્યું હતું અને તેના ડાઈરેક્ટર કાર્તિક ગોન્જાલ્વેઝ છે. આટલું જ નહીં દીપિકા પાદુકોણ ઓસ્કાર સમારોહમાં પ્રેઝન્ટર તરીકે હાજરી આપી રહી છે. આ વખતે ભારતની ભાગીદારી પર સૌની નજર છે. પ્રસિદ્ધ કોમેડિયન જિમી કિમેલ આ વખતે ઓસ્કારને હોસ્ટ કરી રહ્યા છે. 

ઓસ્કારમાં સ્ટેજ પર નાટૂ-નાટૂ પર પરફોર્મન્સ, દીપિકા પાદુકોણે પણ હાજરી આપી 

દીપિકા પાદુકોણ બ્લેકગાઉનમાં ઓસ્કાર સમારોહમાં પહોંચી હતી. તેણે આરઆરઆર ફિલ્મ વિશે જાણકારી આપી હતી. તેણે જણાવ્યું કે કેવી રીતે નાટૂ નાટૂ સોંગ ધૂમ મચાવી રહ્યો છે. તેમણે એ પણ જણાવ્યું કે નાટૂ નાટૂનો અર્થ શું થાય છે. આ દરમિયાન નાટૂ નાટૂ પર પરફોર્મન્સ આપવામાં આવ્યું હતું.  આ ગીતના પરફોર્મન્સ માટે સ્ટેન્ડિંગ ઓવેશન મળ્યું હતું. 

from Top Stories News - Gujarat Samachar : World's Leading Gujarati Newspaper https://ift.tt/MqH6ZrO
via IFTTT