કોરોનાની રેકોર્ડ છલાંગ, 24 કલાકમાં દેશમાં 2.60 લાખથી વધુ કેસ, 1495 લોકોના મોત

- કોરોનાથી સૌથી પ્રભાવિત દેશોની યાદીમાં અમેરિકા પછીના બીજા ક્રમે ભારત

નવી દિલ્હી, તા. 18 એપ્રિલ, 2021, રવિવાર

કોરોના મહામારી દિવસેને દિવસે વિકરાળ સ્વરૂપ ધારણ કરી રહી છે અને છેલ્લા 24 કલાકમાં અત્યાર સુધીના તમામ રેકોર્ડ તૂટી ગયા છે. વર્લ્ડોમીટરના અહેવાલ પ્રમાણે 24 કલાકમાં ભારતમાં કોરોનાના 2,60,778 નવા કેસ સામે આવ્યા છે અને 1,495 લોકોએ કોરોનાના કારણે પોતાનો જીવ ગુમાવ્યો છે. 

વર્લ્ડોમીટરના અહેવાલ પ્રમાણે અત્યાર સુધીમાં સમગ્ર વિશ્વમાંથી કોરોનાના કુલ 14,13,05,237 કેસ સામે આવ્યા છે અને 30,23,871 લોકોએ કોરોનાના કારણે પોતાનો જીવ ગુમાવ્યો છે. સમગ્ર વિશ્વમાં કોરોનાથી સાજા થનારા લોકોની સંખ્યા 11,99,18,188 થઈ ગઈ છે. જ્યારે સમગ્ર વિશ્વમાં સક્રિય કેસની સંખ્યા 1,83,63,178 છે.

અમેરિકા પછીના ક્રમે ભારત

કોરોનાથી સૌથી પ્રભાવિત દેશોની યાદીમાં ભારત બીજા નંબરે છે. આ યાદીમાં અમેરિકા ટોચ પર છે અને અત્યાર સુધીમાં અમેરિકામાં કોરોનાના કુલ 3,23,72,119 કેસ નોંધાયેલા છે. અત્યાર સુધીમાં કોરોનાએ અમેરિકામાં 5,80,756 લોકોનો ભોગ લીધો છે. 2,49,05,332 અમેરિકનો કોરોનાને માત આપીને સાજા થઈ ચુક્યા છે અને અમેરિકામાં હાલ સક્રિય કેસની સંખ્યા 68,86,031 છે. 

from Top Stories News - Gujarat Samachar : World's Leading Gujarati Newspaper https://ift.tt/2Q4692t
via IFTTT