દિલ્હીમાં ડ્રગ્સનો હાહાકાર, નશામાં ધૂત પાંચ યુવકોએ સ્કૂટી પર સવાર યુવતીને 10 કિમી સુધી ઘસડી

નવી દિલ્હી, તા. 1 જાન્યુઆરી 2023, રવિવાર

દેશની રાજધાની દિલ્હીના બહારના વિસ્તારમાં એક સનસનાટીભરી ઘટના સામે આવી છે. દારૂના નશામાં ધૂત પાંચ યુવકો તેમની બલેનો કારમાં લગભગ 10 કિલોમીટર સુધી આ યુવતી ઘસડી ગયા હતા. સૂત્રોના જણાવ્યા અનુસાર પીડિત યુવતી એક કાર્યક્રમમાં ડ્યૂટી કરીને સ્કૂટીથી અમન વિહાર સ્થિત પોતાના ઘરે પરત ફરી રહી હતી. આ ઘટના દરમિયાન પીડિતાના ઘણા હાડકાં તૂટી ગયા હતા અને એ પછી તેણીનું મૃત્યુ થયું હતું. ઘટનાસ્થળે રહેલા કેટલાક નજરે જોનારાઓના જણાવ્યા અનુસાર પીડિતાની હાલત એવી થઈ ગઈ હતી કે તેના શરીર પર એક પણ કપડું પણ બચ્યું ન હતું.

યુવતીના મૃતદેહની હાલત અત્યંત ખરાબ 
આ માર્ગ અકસ્માત એવા સમયે સામે આવ્યો જ્યારે સમગ્ર દિલ્હી પોલીસ નવા વર્ષની ઉજવણી માટે રસ્તા પર હતી. આ ઘટના દરમિયાન યુવતી કારમાં ફસાઈ ગઈ હતી. તે ખૂબ રડતી હતી, પરંતુ કોઈએ તેની મદદ કરી ન હતી. બાળકીના મૃતદેહની હાલત ખૂબ જ ખરાબ થઈ ગઈ હતી. બાળકીના બંને પગ, માથું અને શરીરના અન્ય ભાગો ખરાબ રીતે કચડાઈ ગયા હતા. દિલ્હી સ્થિત સુલ્તાનપુરી પોલીસ સ્ટેશને કેસ નોંધીને પાંચ આરોપીઓની ધરપકડ કરી છે.

5 યુવકોની ધરપકડ
બાળકીના મૃતદેહના પોસ્ટમોર્ટમની પ્રક્રિયા ચાલી રહી છે. આરોપી યુવકોનું કહેવું છે કે તેઓ નશાની હાલતમાં હતા અને કારમાં મોટેથી ગીતો વગાડી રહ્યા હતા. જેના કારણોસર તેઓ જાણતા ન હતા કે છોકરી કારમાં ફસાઈ ગઈ છે. તે જ સમયે દિલ્હી મહિલા આયોગના અધ્યક્ષ સ્વાતિ માલીવાલે આ ઘટના પર ટિપ્પણી કરી. ધરપકડ કરાયેલા યુવકોની ઓળખ દીપક ખન્ના, કૃષ્ણા, અમિત ખન્ના, મિથુન અને મનોજ મિત્તલ તરીકે થઈ છે.

from Top Stories News - Gujarat Samachar : World's Leading Gujarati Newspaper https://ift.tt/FTSEtOc
via IFTTT