ટ્વિટરની મોટી લાપરવાહી, આટલા યુઝર્સના ઈ-મેલ આઈડી લીક થયાનો દાવો

ટ્વિટર યુઝર માટે તેમના ડેટા સબંધિત એક મોટી જાણકારી મળી રહી છે. હાલમાં, ટ્વિટર યુઝર્સના ડેટા પર એક સુરક્ષા સંશોધકે દાવો કર્યો હતો કે, હેકર્સે 20 કરોડથી વધુ ટ્વિટર યુઝર્સના ઈમેલ એડ્રેસ લીક થયા છે અને તેને ઓનલાઈન હેકિંગ ફોરમ પર પોસ્ટ કરી દેવામાં આવ્યા છે. આ માહિતી સામે આવ્યા બાદ ઘણા ટ્વિટર યુઝર્સ નારાજ છે. જોકે ટ્વિટરે હજુ સુધી આ અંગે કોઈ પણ જાતની પુષ્ટિ કરી નથી.

ઇઝરાયેલની સાયબર સુરક્ષા-મોનિટરિંગ ફર્મ હડસન રોકના સહ-સ્થાપકે LinkedIn પર લખ્યું કે, "ચિંતાકીય રીતે આ ઘટના ઘણી બધી હેકિંગ, ટાર્ગેટ ફિશિંગ અને ડોક્સિંગ તરફ દોરી જશે. આ સૌથી મહત્વપૂર્ણ લીક્સ માનું એક છે." 24 ડિસેમ્બરના રોજ, આ વાત સૌપ્રથમ સોશિયલ મીડિયા પર  તેમણે પોસ્ટ દ્વારા કરી હતી. તેમણે એમ પણ લખ્યું છે કે હજુ અસ્પષ્ટ છે કે, આ મુદ્દે ટ્વિટરે તપાસ કરી હોય કે ઉકેલવા માટે કોઈ પગલાં લીધાં હશે.

અન્ય નિષ્ણાતે દાવાની પુષ્ટિ કરી
બ્રીચ-નોટીફિકેશન સાઇટ હેવ આઈ બીન પ્વનેડના નિર્માતા ટ્રોય હંટે ટ્વિટર પર કહ્યું કે, એવું લાગે છે કે, જે ડેટા લીકની વાત થઇ રહી છે તે વાત જેવું થયું હોય તેમ જ લાગી રહ્યું છે. તે સ્ક્રીનશોટમાં હેકરોની બાબતે ઓળખ અથવા સ્થાન વિશે હજુ કોઈ સંકેત મળ્યા નથી. 

અમેરિકા સહિતના દેશમાં ટ્વિટરનું મોનિટરિંગ
ટ્વિટર પરનું મોટું ઉલ્લંઘનએ  દેશના નિયમનકારોનું ધ્યાન આકર્ષિત કરી શકે છે. આયર્લેન્ડમાં ડેટા પ્રોટેક્શન કમિશન (જ્યાં ટ્વિટર તેનું યુરોપિયન હેડક્વાર્ટર ધરાવતું હતુ) અને યુએસ ફેડરલ ટ્રેડ કમિશન અનુક્રમે યુરોપિયન ડેટા પ્રોટેક્શન રેગ્યુલેશન્સ અને યુએસ સંમતિ ઓર્ડરના પાલન માટે એલોન મસ્કની માલિકીના ટ્વિટરનું નિરીક્ષણ કરી રહ્યા છે.

from Top Stories News - Gujarat Samachar : World's Leading Gujarati Newspaper https://ift.tt/Dk60hzL
via IFTTT