રાફેલ સોદામાં દસોલ્ટે ભારતીય વચેટિયાને ગિફ્ટમાં આપ્યા હતા 1 મિલિયન યુરોઃ ફ્રેન્ચ રિપોર્ટ

- 2017ના વર્ષમાં દસોલ્ટ ગ્રુપના એકાઉન્ટમાંથી 5,08,925 યુરો 'ગિફ્ટ ટુ ક્લાયન્ટ્સ' તરીકે ટ્રાન્સફર થયા હતા

નવી દિલ્હી, તા. 5 એપ્રિલ, 2021, સોમવાર

ભારત અને ફ્રાંસ વચ્ચે 2016-17ના વર્ષમાં થયેલા રાફેલ યુદ્ધ વિમાનોના સોદામાંથી ફરી એક વખત ભ્રષ્ટાચારનું જિન બહાર આવ્યું છે. ફ્રાંસના એક પબ્લિકેશને કરેલા દાવા પ્રમાણે રાફેલ બનાવનારી ફ્રાંસીસી કંપની દસોલ્ટે ભારતમાં એક વચેટિયાને એક મિલિયન યુરો ગિફ્ટ તરીકે આપવા પડ્યા હતા. ફ્રાંસીસી મીડિયાએ કરેલા આ ખુલાસા બાદ ફરી એક વખત બંને દેશમાં રાફેલ ડીલને લઈ સવાલ થઈ રહ્યા છે. 

ફ્રાંસના પબ્લિકેશન મીડિયાપાર્ટે કરેલા દાવા પ્રમાણે 2016માં જ્યારે ભારત અને ફ્રાંસ વચ્ચે રાફેલ સમજૂતી થઈ ત્યારે દસોલ્ટે ભારતના એક વચેટિયાને આ રકમ આપી હતી. 2017ના વર્ષમાં દસોલ્ટ ગ્રુપના એકાઉન્ટમાંથી 5,08,925 યુરો 'ગિફ્ટ ટુ ક્લાયન્ટ્સ' તરીકે ટ્રાન્સફર થયા હતા. 

ફ્રાન્સની એન્ટી કરપ્શન એજન્સીએ દસોલ્ટના ખાતાઓનું ઓડિટ કર્યું તે સમયે આ અંગેનો ખુલાસો થયો હતો. આ અંગેને ખુલાસો થયા બાદ રાફેલે તે પૈસાનો ઉપયોગ રાફેલ યુદ્ધ વિમાનના 50 મોટા મોડલ બનાવવામાં થયો હોવાનો દાવો કર્યો હતો પરંતુ એવા કોઈ મોડલ બન્યા જ નહોતા. 

from Top Stories News - Gujarat Samachar : World's Leading Gujarati Newspaper https://ift.tt/2QYvXgg
via IFTTT