બંગાળ સહિતના 5 રાજ્યોમાં મતદાનની શરૂઆત, ચેન્નાઈમાં રજનીકાંત-કમલ હાસને આપ્યો મત

- મતદાનની શરૂઆત સાથે જ ટીએમસીએ ભાજપના કાર્યકરો, સુરક્ષા દળો પર કીચડ ઉછાડવાનું શરૂ કર્યું

નવી દિલ્હી, તા. 6 એપ્રિલ, 2021, મંગળવાર

પશ્ચિમ બંગાળ સહિત દેશના 5 રાજ્યોમાં વિધાનસભા ચૂંટણી માટે મતદાન થઈ રહ્યું છે. બંગાળ અને આસામમાં ત્રીજા તબક્કાનું મતદાન છે જ્યારે કેરળ, પુડ્ડુચેરી અને તમિલનાડુમાં તમામ બેઠકો પર મતદાન થઈ રહ્યું છે. તમામ રાજ્યોમાં વહેલી સવારથી જ મતદારોની લાંબી લાઈનો જોવા મળી રહી છે અને અનેક દિગ્ગજ હસ્તિઓ પણ પોતાના મતાધિકારનો પ્રયોગ કરી રહી છે. 

બંગાળમાં મતદાન શરૂ થવાની સાથે જ ટીએમસીએ સાઉથ 24 પરગણા, હાવડાના અનેક પોલિંગ બૂથ પર મતદારોને હેરાન કરવામાં આવતા હોવાનો આરોપ લગાવવાનો ચાલુ કરી દીધું છે. ટીએમસી સુરક્ષા દળો અને ભાજપના કાર્યકરો પર અનેક પ્રકારના આરોપ લગાવી રહી છે. 

સુપરસ્ટાર રજનીકાંતે સવાર સવારમાં જ ચેન્નાઈ ખાતે મતદાન કર્યું હતું. તે સિવાય સુપરસ્ટારમાંથી નેતા બનેલા કમલ હાસને પણ મતદાન કર્યું હતું. કમલ હાસન પોતાની દીકરીઓ શ્રુતિ અને અક્ષરા સાથે મતદાન માટે પહોંચ્યા હતા. આ તરફ મેટ્રો મેન ઈ શ્રીધરને કેરળમાં મતદાન કર્યું હતું. 

વડાપ્રધાન નરેન્દ્ર મોદીએ પણ ટ્વીટરના માધ્યમથી તમામ રાજ્યના મતદારોને અને ખાસ કરીને યુવાનોને રેકોર્ડ સંખ્યામાં મતદાન કરવા વિનંતી કરી હતી. 

from Top Stories News - Gujarat Samachar : World's Leading Gujarati Newspaper https://ift.tt/3fJJVwV
via IFTTT