IndvsAus: ભારત-ઓસ્ટ્રેલિયાની પ્રથમ ટેસ્ટમાં બબાલ, જાડેજાનો VIDEO વાયરલ, ગંભીર આરોપ
 |
| Image - espncricinfo |
નાગપુર, તા.09 ફેબ્રુઆરી-2023, ગુરુવાર
ભારત અને ઓસ્ટ્રેલિયા વચ્ચે નાગપુરમાં રમાઈ રહેલી પ્રથમ ટેસ્ટ મેચમાં રવિન્દ્ર જાડેજાએ શાનદાર રમત રમી છે. રવિન્દ્ર જાડેજાએ ઓસ્ટ્રેલિયન ટીમની પ્રથમ ઈનિંગમાં ધમાકેદાર બોલીંગ કરી 5 વિકેટ ઝડપી છે, જેના કારણે ઓસ્ટ્રેલિયાનો પ્રથમ દાવ 177 રનમાં સમેટાઈ ગયો છે.
What do you think of this @tdpaine36 Looks like one player giving grippo to the bowler and him rubbing it all over his spinning finger to me. Thoughts? pic.twitter.com/XjcNedJ3Sc
— Darren Lock (@Dags_L) February 9, 2023
તો બીજી તરફ પ્રથમ દિવસની રમતને લઈને સોશિયલ મીડિયા પર વીડિયો વાયરલ થઈ રહ્યો છે. વાયરલ થઈ રહેલા વીડિયોમાં રવિન્દ્ર જાડેજા જોવા મળી રહ્યો છે. આ વીડિયોમાં જોવા મળી રહ્યું છે કે, જાડેજા બોલિંગ કરતા પહેલા સાથી ખેલાડી મોહમ્મદ સિરાજ પાસે જાય છે અને તેની પાસેથી કંઈક લઈને પોતાની આંગળી પર લગાવે છે. આ વીડિયો ઓસ્ટ્રેલિયન આઉટલેટ Foxsports.com.auએ શેર કર્યો છે.
"Interesting."
— Fox Cricket (@FoxCricket) February 9, 2023
A debate has erupted after vision of a questionable moment was spotted during the first innings of the first Test between Australia and India. #INDvAUS https://t.co/APu2CrP3hI
ઈંગ્લેડના પૂર્વ સુકાની માઈકલ વૉને ફૉક્સ સ્પોર્ટના ટ્વીટને શેર કરી લખ્યું કે, ‘તે તેની સ્પિનિંગ ફિંગર પર શું લગાવે છે ? આવું ક્યારેય જોયું નથી.’ આ વીડિયો જે સમયનો છે, તે સમયે ઓસ્ટ્રેલિયાનો સ્કોર 5 વિકેટે 120 રન હતો.
What is it he is putting on his spinning finger ? Never ever seen this … #INDvsAUS https://t.co/NBPCjFmq3w
— Michael Vaughan (@MichaelVaughan) February 9, 2023
જાડેજાએ તેની આંગળી પર શું લગાવે છે, તે સ્પષ્ટ નથી. પરંતુ ફૂટેજ જોયા બાદ એવું જણાય છે કે જાડેજાએ પોતાની આંગળીઓને આરામ આપવા કોઈ Ointment (મલમ) લગાવ્યું હતું. જો કે માઈકલ વોન અને ટિમ પેઈનની ટિપ્પણીઓ જોઈને લાગી રહ્યું છે કે, વિદેશી ખેલાડીઓ અને ઓસ્ટ્રેલિયન મીડિયાને રવિન્દ્ર જાડેજાની સફળતા પસંદ આવી નથી અને તેઓએ એક રીતે જાડેજા પર બોલ ટેમ્પરિંગનો આરોપ લગાવવાનો પ્રયાસ કર્યો છે. ઓસ્ટ્રેલિયાના પૂર્વ સુકાની ટિમ પેને પણ આ અંગે કોમેન્ટ કરી લખ્યું કે, ‘Interesting’.
from Top Stories News - Gujarat Samachar : World's Leading Gujarati Newspaper https://ift.tt/eRsuGvk
via IFTTT
ટિપ્પણીઓ નથી: