દિલ્હીમાં મેયરની ચૂંટણી કરાવવાના બે નિષ્ફળ પ્રયાસો બાદ આવતીકાલે ફરી યોજાશે MCDની બેઠક
 |
| Image - mcdonline |
નવી દિલ્હી, તા.02 ફેબ્રુઆરી-2023, રવિવાર
દિલ્હી મ્યુનિસિપલ કોર્પોરેશનના મેયર, ડેપ્યુટી મેયર અને સ્ટેન્ડિંગ કમિટીના સભ્યોની પસંદગી કરવા આવતીકાલે મ્યુનિસિપલ કોર્પોરેશન (MCD)ની બેઠક યોજાશે. અગાઉ મેયરની પસંદગી કરવાના બે પ્રયાસો નિષ્ફળ નિવળ્યા હતા. દિલ્હી મ્યુનિસિપલ કોર્પોરેશન એક્ટ (DMC Act) 1957 મુજબ મેયર અને ડેપ્યુટી મેયરની ચૂંટણી મ્યુનિસિપલ કાઉન્સિલની પ્રથમ બેઠકમાં થવી જોઈએ. જોકે MCDની ચૂંટણી થવાને બે મહિના વિતવા છતાં હજુ સુધી શહેરને નવા મેયર મળ્યા નથી. હાલ MCDમાં 250 ચૂંટાયેલા સભ્યો છે.
અગાઉ MCDની બે બેઠક યોજાઈ હતી
અગાઉ એમસીડી કાઉન્સિલની બેઠક 06 અને 24 જાન્યુઆરીએ બે વખત યોજાઈ હતી, જોકે ભારતીય જનતા પાર્ટી અને આમ આપમી પાર્ટીના કાઉન્સિલરોના હોબાળાને કારણે પ્રિસાઈડિંગ ઓફિસરે મેયરની ચૂંટણી યોજ્યા વગર કાર્યવાહી સ્થગિત કરી દીધી હતી. ગત વર્ષે 4 ડિસેમ્બરે યોજાયેલી ચૂંટણી બાદ MCD ગૃહનું પ્રથમ સત્ર યોજાયું હતું, જે સંપૂર્ણપણે વ્યર્થ ગયું હતું. જ્યારે બીજા સત્રમાં ચૂંટાયેલા કાઉન્સિલરોની શપથવિધિ બાદ નામાંકીત સભ્યોએ શપથ લીધા હતા. શપથ લેવાની કાર્યવાહી પૂર્ણ થયા બાદ બીજા સત્રને પ્રિસાઈડિંગ ઓફિસર અને ભાજપના કાઉન્સિલર સત્યા શર્માએ આગામી તારીખ સુધી સ્થગિત કરી દીધી હતી. આ દરમિયાન ભાજપના સભ્યોએ ચેમ્બરની બહાર AAPના અને દિલ્હીના CM અરવિંદ કેજરીવાલ વિરુદ્ધ સૂત્રોચ્ચાર કર્યા હતા, તો AAPના સભ્યોએ ગૃહમાં લગભગ 5 કલાક સુધી શાંતિપૂર્ણ પ્રદર્શન કર્યું હતું.
કાલે મેયર-ડેપ્યુટી મેયરની સાથે સ્ટેન્ડિંગ કમિટીના 6 સભ્યોની પણ ચૂંટણી
ગત 7મી ડિસેમ્બરે MCD ચૂંટણીનું પરિણામ આવ્યું હતું. આ ચૂંટણીમાં AAP 134 કાઉન્સિલરોના વિજય સાથે મોટી પાર્ટી તરીકે ઉભરી આવી હતી, જ્યારે 15 વર્ષથી MCDની સત્તા પર પગદંડો જમાવનાર ભાજપ 104 બેઠકો જીતી હતી, તો કોંગ્રેસે 9 બેઠકો જીતી હતી. આવતીકાલે યોજાનારી ગૃહની બેઠકમાં ભાજપે મેયર પદ માટે રેખા ગુપ્તાને ઉમેદવાર બન્યા છે, તો AAP તરફથી શૈલી ઓબેરોય મેયર પદની દોડમાં સામેલ છે. નાયબ મેયર માટે AAPએ આલે મોહમ્મદ ઈકબાલ તેમજ ભાજપે કમલ બાગરીને મેદાનમાં ઉતાર્યા છે. આવતીકાલે મેયર અને નાયબ મેયરની સાથે એમસીડીની સ્ટેન્ડિંગ કમિટીના 6 સભ્યોની પણ ચૂંટણી યોજાશે.
from Top Stories News - Gujarat Samachar : World's Leading Gujarati Newspaper https://ift.tt/fSXq5uQ
via IFTTT
ટિપ્પણીઓ નથી: