હજ 5 દવસ ગજરત સહત આ રજયમ પડશ ભરથ અતભર વરસદ IMDન ચતવણ

Image Envato

તા. 2 જુલાઈ 2023, રવિવાર 

દેશભરમાં છેલ્લા 4  દિવસથી મેઘરાજા મન મુકીને વરસ્યા છે. ગુજરાત સહિત અનેક રાજ્યોમાં ભારે વરસાદ પડ્યો છે અને હજુ આગામી પાંચ દિવસ સુધી દેશના વિવિધ રાજ્યોમાં ભારેથી અતિભારે વરસાદ પડવાની આગાહી કરવામાં આવી છે. 

ગયા મહિનાની  8 તારીખે કેરળમાં દસ્તક આપ્યા બાદ ચોમાસાએ ધીમે ધીમે મોટાભાગના રાજ્યોને આવરી લીધા છે. તો હવે ફરી હવામાન વિભાગે ચોમાસાને લઈને સારા સમાચાર આપતાં કહ્યુ છે કે, આજે દક્ષિણ પશ્ચિમ ચોમાસાએ સમગ્ર દેશને આવરી લીધો છે. એટલે કે હવે એવો કોઈ વિસ્તાર બાકી નથી રહ્યો કે, જ્યાં ચોમાસું ન પહોંચ્યું હોય. એજ રીતે દક્ષિણના રાજ્યો માટે આગામી પાંચ દિવસ સુધી ભારેથી અતિભારે વરસાદની ચેતવણી આપવામાં આવી છે.

સામાન્ય રીતે આખા દેશને કવર કરવાનો સમય 8 જુલાઈ હોય છે, પરંતુ તે પહેલા જ કવર કરી લીધો છે

હવામાન વિભાગના જણાવ્યા પ્રમાણે સાઉથવેસ્ટ મોનસુન રવિવારે રાજસ્થાન, હરિયાણા અને પંજાબના બાકી રહેલા વિસ્તારોમાં પહોંચી ગયું છે. આ પ્રમાણે ચોમાસુ હવે તે આખા દેશમાં પહોંચી ગયુ છે. પરંતુ મહત્વની વાત એ છે કે સામાન્ય રીતે તેને આખા દેશને કવર કરવાનો સમય 8 જુલાઈ હોય છે, પરંતુ તેના છ દિવસ પહેલા એટલે કે આજે  2 જી જુલાઈએ સમગ્ર દેશને કવર કરી લીધો છે. 

ગુજરાતમાં 2 જુલાઈથી 6 જુલાઈ સુધી ભારે વરસાદને લઈને એલર્ટ આપવામાં આવ્યું 

દક્ષિણના રાજ્યોને લઈને હવામાન વિભાગે જણાવ્યું છે કે, કર્ણાટક, તેમજ કર્ણાટકનો કિનારાનો વિસ્તાર, તમિલનાડુ, પોંડીચેરી, કરાઈકલ, કેરળ અને માહેમાં આગામી પાંચ દિવસ સુધી ભારેથી અતિભારે વરસાદ થવાની ચેતવણી આપી છે. પશ્ચિમ ભારતના રાજ્યોની વાત કરીએ તો કોંકણ, ગોવા અને મધ્યપ્રદેશના ઘાટ વિસ્તારોમાં પાંચ દિવસ સુધી ભારે વરસાદની આગાહી કરવામાં આવી છે. તો આ બાજુ ગુજરાતમાં 2 જુલાઈથી 6 જુલાઈ સુધી ભારે વરસાદને લઈને એલર્ટ આપવામાં આવ્યું છે. 

from Top Stories News - Gujarat Samachar : World's Leading Gujarati Newspaper https://ift.tt/VyELhqt
via IFTTT