ખતવડન દરષટએ જલઈમ સમનય રહશ ચમસ આ પક પર અસર દખશ

Image Envato

તા. 4 જુલાઈ 2023, મંગળવાર

દેશમાં ચોમાસાએ દસ્તક આપી દીધી છે, પરંતુ હજુ તેની કોઈ ખાસ અસર જોવા મળી નથી. ઉત્તર પ્રદેશ અને બિહારના કેટલાક વિસ્તારોને બાદ કરતાં સમગ્ર દેશમાં જુલાઈમાં ચોમાસું સામાન્ય રહેવાની સંભાવના રહેલી છે. તો કેટલાક રાજ્યોમાં તાપમાન સામાન્ય કરતા વધુ રહેવાની સંભાવના રહેલી છે. ખેતીવાડીની દ્રષ્ટીએ જોઈએ તો જુલાઈ મહિનામાં દક્ષિણ-પશ્ચિમ ચોમાસું સામાન્ય રહે તેવી સંભાવના છે.  આ દરમિયાન લાંબા સમયગાળાના 94 થી 106 ટકા વરસાદ થવાની શક્યતા છે. પરંતુ ઉત્તર પ્રદેશ, બિહાર, આસામ, દક્ષિણ કર્ણાટકના આંતરિક વિસ્તારો, તમિલનાડુ, પંજાબ અને મેઘાલય જેવા મુખ્ય ખેતી વિસ્તારોમાં સંકટના વાદળો છવાયેલા રહે તેવી સંભાવના છે.

વર્ષે 30 જૂન સુધી ડાંગરની વાવણી ગયા વર્ષની સરખામણીમાં 26 ટકા ઓછી છે

હવામાન વિભાગના જણાવ્યા પ્રમાણે જો ચોમાસું નબળું રહેશે તો ડાંગરની વાવણી અને ઉભા પાકને નુકસાન પહોચી શકે છે કારણ કે આ રાજ્યોમાં મોટાભાગે ડાંગરની ખેતી થાય છે. આ વર્ષે 30 જૂન સુધી ડાંગરની વાવણી ગયા વર્ષની સરખામણીમાં 26 ટકા ઓછી છે. દક્ષિણ-પશ્ચિમ ચોમાસાના ચાર મહિનાઓમાંથી જુલાઈ અને ઑગસ્ટ સૌથી મહત્વપૂર્ણ ગણવામાં આવે છે કારણ કે મોટા ભાગનો વરસાદ આ મહિનામાં થાય છે.

ઉત્તર પશ્ચિમ ભારતના કેટલાક વિસ્તારોમાં સામાન્ય અથવા સામાન્ય કરતાં વધુ વરસાદ થવાની સંભાવના છે

હવામાન વિભાગની આગાહી પ્રમાણે જુલાઈમાં મધ્ય ભારતના મોટાભાગના વિસ્તારોમાં અને દક્ષિણી દ્વીપકલ્પના વિસ્તારો, પૂર્વ ભારત અને ઉત્તરપૂર્વ અને ઉત્તર પશ્ચિમ ભારતના કેટલાક વિસ્તારોમાં સામાન્ય અથવા સામાન્ય કરતાં વધુ વરસાદ થવાની સંભાવના છે. હવામાન વિભાગના જણાવ્યા પ્રમાણે મધ્ય ભારતના મુખ્ય ચોમાસા વિસ્તારની સાથે-સાથે મહારાષ્ટ્રમાં પણ જુલાઈમાં સારો વરસાદ પડવાની સંભાવના છે. મધ્ય ભારતમાં સારો વરસાદ થાય તો તેલીબિયાં અને કઠોળના વાવેતરમાં વધારવામાં મદદ મળી શકે છે.

from Top Stories News - Gujarat Samachar : World's Leading Gujarati Newspaper https://ift.tt/j2C3uy4
via IFTTT