અમદાવાદ મહાનગરપાલિકાની લેખિત પરીક્ષા રદ, ભારે વરસાદને કારણે લેવાયો નિર્ણય

અમદાવાદ, તા.22 જુલાઈ-2023, શનિવાર

અમદાવાદ મહાનગરપાલિકાની લેખિત પરીક્ષા ભારે વરસાદને કારણે રદ કરવામાં આવી છે. સહાયક સબ ઇન્સ્પેક્ટર એસ્ટેટ ટીડીઓની લેખિત પરીક્ષા યોજાવાની હતી. અમદાવાદ મહાનગરપાલિકાની સહાયક સબ ઇન્સપેક્ટર એસ્ટેટ ટીડીઓની લેખિત પરીક્ષા રવિવાર સવારે 10.30 વાગ્યે લેવાની હતી. ફરી પરીક્ષા માટે સમય અને તારીખ હવે પછી નક્કી કરવામાં આવશે. 15-3-2023 (સહાયક સબ ઇન્સ્પેક્ટર એસ્ટેટ-ટીડીઓ)ની જગ્યા માટેની લેખિત પરીક્ષા (MCQ-TEST) 23 જુલાઇ, 2023ના રવિવારના રોજ 10.30 કલાકે યોજાવાની હતી જે અતિભારે વરસાદને કારણે મોકુફ રાખવામાં આવે છે.

જાહેરખબર ક્રમાંક : ૦૩/૨૦૨૨-૨૩ તા:૧૫/૦૩/૨૦૨૩ (સહાયક સબ ઇન્સ્પેકટર એસ્ટેટ-ટીડીઓ)ની જગ્યા માટેની લેખિત પરીક્ષા (MCQ-TEST) તા.૨૩/૦૭/૨૦૨૩ ને રવિવારના રોજ ૧૦.૩૦ કલાકે રાખવામાં આવેલ, જે અતિભારે વરસાદ હોવાના કારણે મોકુફ રાખવામાં આવે છે. 1/2 pic.twitter.com/KUMT0v1zq8

— Amdavad Municipal Corporation (@AmdavadAMC) July 22, 2023

આગામી 48 કલાક ભારે વરસાદની આગાહી

રાજ્યમાં હજુ પણ વરસાદ ભારે આગાહી કરવામાં આવી છે જેમા 48 કલાક ભારેથી અતિભારે વરસાદ પડી શકે છે. આ સાથે જ આજે રાજ્યના ત્રણ જિલ્લાઓમાં રેડ એલર્ટ આપવામાં આવ્યુ છે જેમાં ભાવનગર, વલસાડ અને દમણનો સમાવેશ થાય છે. આ સિવાય બનાસકાંઠા, સાબરકાંઠા અને અમદાવાદમાં ઓરેન્જ એલર્ટ તેમજ રાજકોટ, બોટાદ, સુરેન્દ્રનગરમાં યલો એલર્ટ જાહેર કરવામાં આવ્યુ છે. હવામાન વિભાગે દ્વારકા જિલ્લામાં પણ ભારે વરસાદની આગાહી કરી છે.

from Top Stories News - Gujarat Samachar : World's Leading Gujarati Newspaper https://ift.tt/uALh20g
via IFTTT