રાહુલ ગાંધી ફરી મુસીબતમાં : NCPCRએ દિલ્હી હાઈકોર્ટને કાર્યવાહી કરવા માંગ કરી, જાણો સમગ્ર મામલો

નવી દિલ્હી, તા.28 જુલાઈ-2023, શુક્રવાર

કોંગ્રેસ નેતા રાહુલ ગાંધી ફરી એકવાર મુશ્કેલીમાં મુકાયા છે. રાષ્ટ્રીય બાળ અધિકાર સંરક્ષણ આયોગે (NCPCR) દિલ્હી હાઈકોર્ટને માંગ કરી છે કે, તેઓ રાહુલ ગાંધી વિરુદ્ધ કાર્યવાહી કરવા આદેશ આપે... પંચે હાઈકોર્ટમાં એફિડેવિટ દાખલ કરીને કહ્યું છે કે, 2021માં રાહુલ ગાંધીએ સગીર દલિત રેપ પીડિતાના પરિવારનો ફોટો ટ્વીટ કર્યો હતો, જેના કારણે તેની ઓળખ છતી થઈ... આ જુવેનાઈલ જસ્ટિસ એક્ટ (JJ) 2015નું ઉલ્લંઘન છે.

આગામી સુનાવણી 23 નવેમ્બરે હાથ ધરાશે

ચીફ જસ્ટિસ સતીશ ચંદ્ર શર્મા અને જસ્ટિસ સંજીવ નરુલાની ડિવિઝન બેંચે કેસના અન્ય પ્રતિવાદીઓને અરજી પર તેમનો જવાબ દાખલ કરવા સમય આપ્યો છે. આ સાથે આગામી સુનાવણી 23 નવેમ્બરે હાથ ધરાશે.

નિયમ શું કહે છે ?

રાષ્ટ્રીય બાળ અધિકાર સંરક્ષણ આયોગે જણાવ્યું કે, જુવેનાઈલ જસ્ટિસ એક્ટ, જાતીય ગુનાઓથી બાળકોનું રક્ષણ અધિનિયમ (POCSO) અને ઈન્ડિયન પીનલ કોડ હેઠળ જાતીય હુમલાનો ભોગ બનેલી સગીર પીડિતાની ઓળખ જાહેર કરવો સજાપાત્ર ગુનો બને છે.

9 વર્ષની બાળકીની દુષ્કર્મ બાદ હત્યા કરાઈ હતી

આ સમગ્ર મામલો દિલ્હી કેન્ટના જૂના નાંગલ ગામનો છે. પહેલી ઓગસ્ટ-2021ના રોજ સ્મશાનમાં 9 વર્ષની બાળકી પર દુષ્કર્મ આચરાયું... ત્યારબાદ તેની હત્યા કરવામાં આવી હતી. આ કેસમાં પૂજારી રાધેશ્યામ સહિત 4 આરોપી સામેલ છે. મૃતકની માતાએ આક્ષેપ કર્યો હતો કે, પોલીસે તેની સંમતિ વિના બાળકના અંતિમ સંસ્કાર કર્યા હતા.

from Top Stories News - Gujarat Samachar : World's Leading Gujarati Newspaper https://ift.tt/H6cnLE3
via IFTTT