બિહારમાં રાષ્ટ્ર ધ્વજનું અપમાન, અશોક ચક્ર હટાવી લગાવ્યો ચાંદ-તારો, VIDEO સામે આવ્યા બાદ પોલીસ એક્શનમાં

મુઝફ્ફરપુર, તા.28 જુલાઈ-2023, શુક્રવાર

બિહારના મુઝફ્ફરપુરમાં રાષ્ટ્રીય ધ્વજ ત્રિરંગા સાથે છેડછાડનો મામલો સામે આવ્યો છે. બરિયાપુર ઓપી વિસ્તારના અસામાજિક તત્વોનું આ કારસ્તાન સામે આવ્યા બાદ પોલીસ સફાળી જાગી છે અને ગુનો નોંધી કાર્યવાહી હાથ ધરી છે. હાલ પોલીસે ધ્વજને પોતાના કબજામાં લઈ લીધો છે. બીજી તરફ મોહરમ પહેલા આ કારસ્તાનો વીડિયો સોશિયલ મીડિયા પર વાયરલ થયા બાદ પોલીસની ઊંઘ ઉડી ગઈ છે.

ત્રિરંગા સાથે છેડછાડ બાદ વિવાદ વધ્યો

આ મામલો મુઝફ્ફરપુરના બરિયારપુર ઓપી વિસ્તારના ખાલિક નગર ગૌરીહાર પંચાયતનો છે. મળતી માહિતી મુજબ ગૌરીહર ગામમાં રસ્તાની બાજુના મકાન પર અસામાજિક તત્વો દ્વારા આ ધ્વજ લગાવાયો હતો. આ ઘર લઘુમતી સમુદાયના વ્યક્તિનું છે. કોઈએ વીડિયો બનાવીને સોશિયલ મીડિયા પર વાયરલ કરી દીધા બાદ આ ઘટના પ્રકાશમાં આવી છે. વીડિયોમાં સ્પષ્ટ જોવા મળી રહ્યું છે કે, અશોક ચક્રના સ્થાને ચાંદ-તારો લગાવી દેવાયો છે. આ વીડિયો સોશિયલ મીડિયા પર વાયુવેગે ફેલાતા યુઝર્સો આક્રોશ સાથે કડક વિરોધ કરી રહ્યા છે. જ્યારે આ ઘટનાની તસવીરો અને વીડિયો ઝડથી વાયરલ થયો તો સ્થાનિક લોકોએ તુરંત બરિયારપુર ઓપી પોલીસને માહિતી આપી.

વીડિયો વાયરલ થતા બાદ પોલીસ એક્શનમાં

માહિતી મળતા જ પોલીસ તુરંત સ્થળ પર પહોંચી ગઈ અને ધ્વજને પોતાના કબજામાં લીધો... હાલ પોલીસ ઘરમાલિકની પૂછપરછ કરી રહી છે. આ ધ્વજમાં અશોક ચક્રની સફેદ પટ્ટીમાં ચાંદ-તારો બનાવી દેવાયો છે. સાકરા પોલીસ સ્ટેશન અને બરિયારપુર ઓપી પોલીસ આ મામલે કાર્યવાહી કરી રહી છે. દરમિયાન આવતીકાલે મોહરમ છે અને આજે આ ઘટના બનતા પોલીસ સતર્ક થઈ ગઈ છે.

from Top Stories News - Gujarat Samachar : World's Leading Gujarati Newspaper https://ift.tt/keQxBMT
via IFTTT