રાજ્યસભામાં પણ દિલ્હી સર્વિસ બિલ પાસ, સમર્થનમાં 131 તો વિરોધમાં પડ્યા 102 મત

નવી દિલ્હી, તા.07 ઓગસ્ટ-2023, સોમવાર

આજે રાજ્યસભામાં આખો દિવસ દિલ્હી સેવા બિલ પર ચર્ચાઓ ચાલી અને હંગામો પણ થયો. જોકે હવે આ બિલ રાજ્યસભામાં પણ પાસ થઈ ગયું છે. આ બિલ લોકસભામાં ગુરુવારે રજુ કરાયું હતું, ત્યારબાદ આજે રાજ્યસભામાં રજુ કરાયા બાદ બિલને મંજુરી મળી ગઈ છે. લોકસભામાં ગવર્નમેન્ટ ઓફ નેશનલ કેપિટલ ટેરિટરી ઓફ દિલ્હી (સુધારા) બિલ પાસ થયા બાદ આજે રાજ્યસભામાં પણ આ બિલ પાસ થઈ ગયું છે. આજે રાજ્યસભામાં ભારે હંગામા વચ્ચે દિલ્હી સેવા બિલ પાસ થયું છે. આ બિલ મામલે આજે મતદાન થયું હતું, જેમાં બિલના સમર્થનમાં કુલ 131 મત પડ્યા હતા, જ્યારે આ બિલના વિરોધમાં 102 મત પડ્યા હતા.

બંને ગૃહોમાં બિલ પાસ, રાષ્ટ્રપતિની મંજૂરીની મહોર બાકી

હવે આ બિલને માત્ર રાષ્ટ્રપતિની મંજૂરી મળવાની બાકી છે, ત્યારબાદ આ કાયદો બની જશે. રાજ્યસભામાં મતદાન કરાવવા માટે પહેલા મશીનથી મતદાન કરવાની જોગવાઈ સમજાવવામાં આવી, જોકે થોડીવાર બાદ ઉપાધ્યક્ષે જાહેરા કરી કે, મશીનમાં ખામી હોવાના કારણે બેલેટ પેપરથી મતદાન કરવામાં આવશે. કેટલાક વિપક્ષી સાંસદોએ દિલ્હી સર્વિસ બિલને લઈ સૂચનો પણ આપ્યા હતા. જોકે અંતે મતદાનથી બિલ પાસ થઈ ગયું અને સંસદમાં દિલ્હી સર્વિસ બિલ પર ચર્ચા સમાપ્ત થયા બાદ ગૃહમંત્રી અમિત શાહે જવાબ આપ્યો. આ દરમિયાન અમિત શાહે કહ્યું કે, બિલની એકપણ જોગવાઈ પહેલા જે વ્યવસ્થા હતી... જ્યારે દેશમાં કોંગ્રેસ સરકાર હતી... ત્યારે તે વ્યવસ્થામાં કોઈપણ પ્રકારનું પરિવર્તન આવ્યું નથી.

સુપ્રીમ કોર્ટના આદેશનું ઉલ્લંઘન નથી બિલ : અમિત શાહ

રાજ્યસભામાં દિલ્હી સેવા બિલ પર ચર્ચાનો જવાબ આપતા કેન્દ્રીય ગૃહમંત્રી અમિત શાહે જણાવ્યું કે, આ બિલ કોઈપણ એન્ગલથી સુપ્રીમ કોર્ટના આદેશનું ઉલ્લંઘન નથી તેવા તેવો પુરાવા આપશે. આ બિલ દિલ્હી પર કેન્દ્ર સરકારના વર્તમાન વટહુકમને બદલવાનો પ્રયાસ છે.

from Top Stories News - Gujarat Samachar : World's Leading Gujarati Newspaper https://ift.tt/2xw9k6r
via IFTTT