લોકસભામાં પાસ થયું દિલ્હી સેવા બિલ, INDIA ગઠબંધનના નેતાઓએ કર્યું વોકઆઉટ

દિલ્હી સેવા બિલ લોકસભામાં ધ્વનિમતથી પાસ થઈ ગયું છે. આ બિલને સત્તાવાર રીતે 'રાષ્ટ્રીય રાજધાની ક્ષેત્ર દિલ્હી સરકાર, 2023' નામ અપાયું છે. વોટિંગ દરમિયાન વિપક્ષી સાંસદોએ ગૃહમાંથી વોકઆઉટ કર્યું. 

AAP સાંસદને આખા સત્ર માટે કરાયા સસ્પેન્ડ

આજે સંસદની કાર્યવાહી હોબાળાવાળી રહી. વોટિંગ દરમિયાન જ્યારે સ્પીકર ઓમ બિરલા બોલી રહ્યા હતા ત્યારે AAP સાંસદ સુશીલ કુમાર રિંકીએ સત્તા પક્ષના સાંસદો પર કાગળ ફાડીને ફેંક્યા. એટલા માટે સુશીલ કુમાર રિંકૂને આખા સત્ર માટે સસ્પેન્ડ કરવામાં આવ્યા છે. સુશીલ કુમાર રિંકૂ આપ લોકસભામાં એક માત્ર સાંસદ છે. બિલ પાસ થયા બાદ લોકસભાને આવતીકાલ સુધી સ્થગિત કરી દેવાઈ છે.

ભાજપે વચન આપ્યું હતું કે, દિલ્હીને પૂર્ણ રાજ્યનો દરજ્જો આપીશુંઃ કેજરીવાલ

લોકસભામાં દિલ્હી અધ્યાદેશ બિલ પાસ થવા પર દિલ્હીના CM અરવિંદ કેજરીવાલે કહ્યું કે, દર વખતે ભાજપે વચન આપ્યું કે દિલ્હીને પૂર્ણ રાજ્યનો દરજ્જો આપીશું. 2014માં નરેન્દ્ર મોદીએ ખુદ કહ્યું કે, પ્રધાનમંત્રી બનવા પર દિલ્હીને પૂર્ણ રાજ્યનો દરજ્જો આપીશું પરંતુ આજે આ લોકોએ દિલ્હીવાસીઓની પીઠમાં છરો ભોંકી દીધો. હવે PM મોદીએ કોઈ વાત પર વિશ્વાસ ન કરતા.

દિલ્હી સર્વિસ બિલ શું છે?

દિલ્હીમાં વહીવટી સેવાઓ, અધિકારીઓની બદલી અંગેની વાત
આ બીલ પાસ થવાથી અધિકારીઓની બદલી વગેરેના અધિકાર કેન્દ્ર સરકાર પાસે રહેશે

• નેશનલ કેપિટલ સિવિલ સર્વિસિસ ઓથોરિટીની સ્થાપના કરવાનો પ્રસ્તાવ
• જે દિલ્હી સરકારમાં ફરજ બજાવતા તમામ ગ્રુપ-A અધિકારીઓ અને આંદામાન અને નિકોબાર આઇલેન્ડ સિવિલ સર્વિસિસની ટ્રાન્સફર પોસ્ટિંગની કરશે ભલામણ
• દિલ્હીના મુખ્યમંત્રી આ ઓથોરિટીના હોદ્દેદાર અધ્યક્ષ અને દિલ્હીના મુખ્ય સચિવ અને મુખ્ય ગૃહ સચિવ પણ લેશે ભાગ
• આ ઓથોરિટીના તમામ નિર્ણયો બહુમતીના આધારે લેવાશે
• દિલ્હીના લેફ્ટનન્ટ ગવર્નર ઓથોરિટીના સૂચનો અનુસાર જ નિર્ણય લેશે
• જો કે, ઓથોરિટી તરફથી મળેલા સૂચનો છતાં, LG ગ્રુપ-A અધિકારીઓને લગતા જરૂરી દસ્તાવેજો માંગી શકે
• કોઈ મતભેદ હશે તો લેફ્ટનન્ટ ગવર્નરનો નિર્ણય અંતિમ ગણવામાં આવશે.

from Top Stories News - Gujarat Samachar : World's Leading Gujarati Newspaper https://ift.tt/klK8opq
via IFTTT