માવઠું! અમદાવાદમાં વહેલી સવારે અનેક વિસ્તારોમાં કમોસમી વરસાદ, લોકોને ચોમાસું યાદ આવ્યું

image : Envato

એપ્રિલ મહિનામાં સામાન્ય રીતે કાળઝાળ ગરમી પડે છે ત્યારે આ વખતે તાપ અને હિટવેવની જગ્યાએ માવઠાનો માર લોકોને ભિંજવી રહ્યો છે. હવામાન વિભાગે બીજી મે સુધી રાજ્યમાં માવઠાની આગાહી કરી છે. ત્યારે આજે વહેલી સવારથી જ અમદાવાદના અનેક શહેરોમાં કમોસમી વરસાદ પડ્યો હતો.  જેના પગલે લોકોને ચોમાસાં જેવી સ્થિતિ સર્જાતા ચોમાસુ યાદ આવી ગયું હતું.  

અગાઉથી જ માવઠાની આગાહી કરાઈ હતી 

જ્યારે આજે રાજ્યનાં મોટાભાગના વિસ્તારોમાં માવઠાની આગાહી પણ કરવામાં આવી છે. આજે સવારથી અમદાવાદનાં અનેક વિસ્તારોમાં વરસાદ નોંધાયો હતો. શહેરનાં વિસ્તારો જેમકે સેટેલાઇટ, મણિનગર, વટવા, ઇસનપુર, નારોલ, વસ્ત્રાપુર, બોપલ, ઘાટલોડિયા, સીટીએમમાં ધોધમાર વરસાદ વરસ્યો હતો. આ સાથે ગાંધીનગર જિલ્લામાં પણ માવઠું થયું હતુ.

from Top Stories News - Gujarat Samachar : World's Leading Gujarati Newspaper https://ift.tt/MPV0ThQ
via IFTTT