દિલ્હીથી બેંગ્લુરુ જતી ઈન્ડિગોની ફ્લાઈટમાં મુસાફરે ઈમરજન્સી ગેટ સાથે કર્યા ચેડાં, CISFને સોંપાયો

image : Twitter

દિલ્હી-બેંગ્લુરુ ઈન્ડિગોની ફ્લાઈટમાં નશામાં ધૂત એક 40 વર્ષના મુસાફરે ઈમરજન્સી ડૉરના ફ્લેપને ખોલવાનો પ્રયાસ કર્યો હતો. જોકે તેને પકડીને બેંગ્લુરુમાં જ સીઆઈએસએફને સોંપી દેવાયો હતો. ઈન્ડિગો એરલાઈન્સ અનુસાર દિલ્હથી બેંગ્લુરુ જતી ફ્લાઇટ 6E 308માં સવાર નશામાં ધૂત યાત્રીએ આ હરકત કરી હતી. આ ઘટના ક્રૂએ જોઈ લેતા કેપ્ટનને જાણ કરી હતી અને મુસાફરને યોગ્ય ચેતવણી પણ અપાઈ હતી. 

એરલાઇન્સના પ્રવક્તાએ શું કહ્યું 

ઈન્ડિગો એરલાઇન્સના પ્રવક્તાએ કહ્યું કે ઉપરોક્ત ફ્લાઈટના સુરક્ષિત સંચાલન સાથે કોઈ સમજૂતી નથી કરાઈ અને અનિયંત્રિત મુસાફરને બેંગ્લુરુ પહોંચતા જ સીઆઈએસએફને સોંપી દેવાયો હતો. ઉલ્લેખનીય છે કે અનિયંત્રિત મુસાફરો દ્વારા નશાની હાલતમાં પેશાબ કરી દેવો, ક્રૂ મેમ્બર સાથે ઝઘડો કરવો, ઈમરજન્સી ગેટ સાથે ચેડાં કરવા જેવી ઘટનાઓ સતત વધી ગઈ છે. 

from Top Stories News - Gujarat Samachar : World's Leading Gujarati Newspaper https://ift.tt/PhTR8vA
via IFTTT