ગ્લોબલ લીડર એપ્રૂવલ રેટિંગની યાદીમાં PM મોદી ટોચના ક્રમે, બાઈડેન તેમના કરતાં 5 ક્રમ પાછળ રહ્યા

image : Twitter

દુનિયાની સૌથી મોટી મહાસત્તા ભલે અમેરિકા હોય પણ જ્યારે વાત સૌથી શક્તિશાળી નેતાની આવે છે તો ભારતના વડાપ્રધાન મોદી સૌથી આગળ રહે છે. મોર્નિંગ કન્સલ્ટ તરફથી જાહેર કરાયેલી ગ્લોબલ લીડર એપ્રૂવલ લિસ્ટમાં પીએમ મોદીએ ફરી એક વાર ટોચનું સ્થાન મેળવ્યું છે. પીએમ મોદીને 76 ટકા એપ્રૂવલ રેટિંગ મળ્યું છે. જ્યારે 61 ટકા એપ્રૂવલ રેટિંગ સાથે મેક્સિકોના રાષ્ટ્રપતિ એન્ડ્રેસ મેનુઅલ લોપેજ ઓબ્રેડોર આ યાદીમાં બીજા ક્રમે છે. 

જુઓ કોને કેટલું રેટિંગ મળ્યું 

મોર્નિંગ કંસલ્ટની આ યાદીમાં ત્રીજા ક્રમે ઓસ્ટ્રેલિયાના વડાપ્રધાન એન્થની અલ્બાનીઝ છે. તેમને ૫૫ ટકા ગ્લોબલ લીડર એપ્રૂવલ રેટિંગ મળ્યું છે. જ્યારે ઈટાલીના પીએમ જ્યોર્જિયા મેલોનીને 49 ટકા એપ્રૂવલ રેટિંગ મળ્યું છે. મેલોની આ યાદીમાં ચોથા ક્રમે છે. ગ્લોબલ લીડર એપ્રૂવલ રેટિંગની યાદીમાં બ્રાઝીલના રાષ્ટ્રપતિ લુલા ડી સિલ્વાને જ્યોર્જિયા મેલોનીની જેમ જ 49 ટકા રેટિંગ મળ્યું છે. 

મહાસત્તા અમેરિકાના રાષ્ટ્રપતિ બાઈડેન ક્યા સ્થાને છે જુઓ

વિશ્વની મહાસત્તા કહેવાતા અમેરિકાના રાષ્ટ્રપતિ જો બાઈડેન ગ્લોબલ લીડર એપ્રૂવલ રેટિંગની યાદીમાં છઠ્ઠાં ક્રમે છે. બાઈડેનને ફક્ત 41 ટકા એપ્રૂવલ રેટિંગ મળ્યું છે. જ્યારે કેનેડાના પીએમ જસ્ટિન ટ્રુડોને 39 ટકા એપ્રૂવલ રેટિંગ સાથે સાતમા અને 10 ક્રમે બ્રિટનના પીએમ ઋષિ સુનક છે. તેમનું ગ્લોબલ રેટિંગ 34 ટકા છે. 

from Top Stories News - Gujarat Samachar : World's Leading Gujarati Newspaper https://ift.tt/mCgMoTX
via IFTTT