કર્ણાટક: BJP સાથે મિત્રતા હોત તો CM બની રહેત, કોંગ્રેસે બરબાદ કરી દીધો - એચ ડી કુમારસ્વામી

બેંગાલુરુ, તા. 06 ડિસેમ્બર 2020 રવિવાર

કર્ણાટકના પૂર્વ મુખ્યમંત્રી એચડી કુમારસ્વામીએ કોંગ્રેસ પર નિશાન સાધતા કહ્યુ કે જો તેઓ ભાજપની સાથે હોત તો અત્યાર સુધી મુખ્યમંત્રી બની રહેત, પરંતુ કોંગ્રેસ સાથે ગઠબંધન કરીને તેમણે બધુ જ ગુમાવ્યુ.

જનતા દળ સેક્યુલરના નેતા અને પૂર્વ મુખ્યમંત્રી એચડી કુમારસ્વામીએ મૈસૂરમાં કહ્યુ, હુ હજુ પણ મુખ્યમંત્રી હોત જો ભાજપની સાથે સારા સંબંધ બનાવી રાખ્યા હોત. મે 2006-2007માં અને 12 વર્ષમાં જે કંઈ પણ પ્રાપ્ત કર્યુ હતુ, તેને મે કોંગ્રેસ પાર્ટીની સાથે ગઠબંધન કરીને ખતમ કરી દીધુ.

તેમણે કહ્યુ, મે 2006-07માં રાજ્યની જનતાનો જે વિશ્વાસ પ્રાપ્ત કર્યો હતો તેને આગામી 12 વર્ષ સુધી જાળવી પણ રાખ્યો, પરંતુ કોંગ્રેસ સાથે હાથ મિલાવીને અમે તે પણ ગુમાવ્યુ. કુમારસ્વામીએ કહ્યુ, 2018માં કોંગ્રેસની સાથે ગઠબંધન કર્યા બાદ, સિદ્ધારમૈયા અને તેમના જૂથે મારી પ્રતિષ્ઠાને નષ્ટ કરી દીધી. હુ માત્ર તેમની જાળમાં ફસાતો ગયો, કેમ કે હુ દેવગોડાના કારણે ગઠબંધન માટે સંમત હતો. તેમણે સ્પષ્ટ કર્યુ કે આ માટે તેઓ દેવગોડાને દોષ આપી રહ્યા નથી કેમ કે તેઓ ધર્મનિરપેક્ષ ઓળખ પ્રત્યે પોતાના પિતાની આજીવન પ્રતિબદ્ધતાને સમજે અને તેમનુ સન્માન કરે છે.

પૂર્વ મુખ્યમંત્રીએ એ પણ કહ્યુ, 2018માં મુખ્યમંત્રી બન્યા બાદ મે માત્ર એક મહિના સુધી આંસુ કેમ વહાવ્યા? મને ખબર હતી કે શુ ચાલી રહ્યુ છે. ભારતીય જનતા પાર્ટીએ 2008માં મારૂ આટલુ નુકસાન થયુ નથી, જે રીતે કોંગ્રેસે 2018માં કર્યુ.

2018ની ચૂંટણીમાં કોઈને બહુમત નહીં

2 વર્ષ પહેલા 2018માં કર્ણાટક વિધાનસભા ચૂંટણીમા જ્યારે કોઈ પાર્ટીને સ્પષ્ટ બહુમત ના મળી તો એક-બીજા વિરૂદ્ધ ચૂંટણી લડનારી કોંગ્રેસ અને જનતા દળે મળીને સરકાર બનાવી હતી અને એચ ડી કુમારસ્વામીને મુખ્યમંત્રી બનાવવામાં આવ્યા.

બંને પાર્ટીઓએ ગત વર્ષે સાથે મળીને લોકસભા ચૂંટણી પણ લડી, પરંતુ બાદમાં ગઠબંધનમાં આંતરિક મતભેદ ઉંડો થયો અને કેટલાક ધારાસભ્યની બગાવતના કારણે ગઠબંધન સરકારનુ પતન થઈ ગયુ.

એચડી કુમારસ્વામીના આરોપો પર પલટવાર કરતા કોંગ્રેસ નેતા સિદ્ધારમૈયાએ આરોપ લગાવ્યો, કુમારસ્વામી ખોટુ બોલવામાં માહિર છે, તેઓ રાજનીતિ માટે પરિસ્થિતિ અનુસાર ખોટુ બોલી શકે છે. જનતા દળ (એસ) ને 37 બેઠક મળ્યા છતાં તેમને મુખ્યમંત્રી બનાવવા શુ અમારી ભૂલ હતી?

from Top Stories News - Gujarat Samachar : World's Leading Gujarati Newspaper https://ift.tt/2VIXKAI
via IFTTT