ચીનના માલ પરની ઇમ્પોર્ટ ડ્યૂટી ઘટાડવાનો નથી : અમેરિકી પ્રમુખ જો બાઇડને કરેલી જાહેરાત

-ચીન સાથેનો અમેરિકી સંઘર્ષ ચાલુ રહેવાની શક્યતા

વૉશિંગ્ટન તા.3 ડિસેંબર 2020 ગુરૂવાર

અમેરિકાના પ્રમખપદે ચૂંટાયેલા જો બાઇડને એવી સ્પષ્ટતા કરી હતી કે હું ચીનના માલ પરની આયાત ડ્યૂટી ઘટાડવાનો નથી. આમ અત્યારે તો ચોનની  આશા પર પાણી ફરી વળ્યું હતું.

ડોનાલ્ડ ટ્રમ્પ પ્રમુખપદની ચૂંટણીમાં પરાજિત થતાં ચીનને એવી આશા હતી કે બાઇડેન ટ્રમ્પે લીધેલા નિર્ણયને ફગાવી દેશે,  પરંતુ બાઇડને ચીનના માલના મુદ્દે સ્પષ્ટતા કરી દીધી હતી. 

ન્યૂયોર્ક ટાઇમ્સના પત્રકાર સાથે વાત કરતાં તેમણે કહ્યું કે ચીન સાથે ટ્રમ્પ સરકારે આરંભે કરેલા વ્યાપારી કરારો પણ હાલ હું રદ કરવાનો નથી. જો કે હવે પછીના વ્યવહારોમાં અમેરિકાનું હિત સૌથી વધુ જળવાઇ રહે એવી મારી નીતિ રહેશે.

બાઇડને એમ પણ કહ્યું હતું કે હું મારા અંગત પૂર્વગ્રહોને વચ્ચે લાવ્યા વિના તમામ વિકલ્પો ખુલ્લા રાખીશ. અમેરિકાનું હિત મહત્તમ જળવાઇ રહે એ મારી અગ્રતા રહેશે.

from Top Stories News - Gujarat Samachar : World's Leading Gujarati Newspaper https://ift.tt/3lFKjMs
via IFTTT