ફાઇઝર પછી હવે સીરમે પણ ટ્રાયલની પરવાનગી માગી, કોવીશીલ્ડ નામે તૈયાર કરી હતી વેક્સિન

- સીરમ ભારતીય વેક્સિન કંપની છે

નવી દિલ્હી તા.7 ડિસેંબર 2020 સોમવાર

અમેરિકી વેક્સિન કંપની ફાઇઝર પછી હવે ભારતીય વેક્સિન કંપની સીરમ ઇન્સ્ટીટ્યુટ ઑફ ઇન્ડિયાએ પણ પોતાની કોરોના વિરોધી રસીની ઇમર્જન્સી ટ્રાયલની માગણી કરતી અરજી કરી હતી.

શનિવારે ફાઇઝર કંપનીએ ભારત સરકાર પાસે પોતાની વેક્સિનની ઇમર્જન્સી ટ્રાયલ કરવા દેવાની માગણી કરી હતી. સીરમ કંપનીએ પોતાની કોવિશીલ્ડ રસીની ઇમર્જન્સી ટ્રાયલ કરવા દેવાની માગણી કરી હતી.

સરકારી સૂત્રોએ કહ્યું હતું કે સીરમે ડ્રગ્સ કન્ટ્રોલર જનરલ ઑફ ઇન્ડિયા (DCGI) પાસે આ માગણી કરી હતી. એની પહેલાં શનિવારે ફાઇઝરે પોતાની અરજી મોકલી હતી અને  પોતાની રસીની ટ્રાયલ કરવા દેવાની ઔપચારિક મંજૂરી માગી હતી.

ફાઇઝરને અત્યાર અગાઉ બ્રિટન અને બહેરીનમાં ટ્રાયલ કરવાની પરવાનગી મળી ચૂકી હતી. સીરમે વ્યાપક લોકહિતમાં પોતાની રસીની ટ્રાયલ કરવા દેવાની પરવાનગી માગી હતી. અત્રે એ યાદ રહે કે સીરમ દુનિયાની સૌથી મોટી વેક્સિન કંપની છે જે ઓક્સફર્ડ-એસ્ટ્રાજેનેકાએ તૈયાર કરેલી કોવિશીલ્ડ રસીનું ભારતમાં મોટે પાયે ઉત્પાદન કરી રહી હતી.

સીરમે ઇન્ડિયન કાઉન્સિલ ઑફ મેડિકલ રિસર્ચ સાથે મળીને કોવિશીલ્ડની ત્રીજા તબક્કાની ક્લીનીકલ ટ્રાયલ દેશભરમાં કરી હતી. આ વેક્સિને સિનિયર સિટિઝન્સમાં અને ખાસ તો કોવિડ 19ના દર્દીઓમાં સારી અસર કરી હતી. અત્યાર સુધીમાં સીરમે કરેલી ચાર ટ્રાયલમાં બે  બ્રિટનમાં અને એક એક ભારત તથા બ્રાઝિલમાં કરી હતી.

from Top Stories News - Gujarat Samachar : World's Leading Gujarati Newspaper https://ift.tt/3mR3Pa6
via IFTTT