મુંબઇના પોશ લોખંડવાલામાંથી ડ્રગ સપ્લાયર ઝડપાયો, મુંબઇ પોલીસ અને NCBના દરોડા

- મહાકાલ તરીકે ઓળખાતો સપ્લાયર કમ પેડલર છે

મુંબઇ તા.9 ડિસેંબર 2020 બુધવાર 

નાર્કોટિક્સ કન્ટ્રોલ બ્યૂરોના અધિકારીઓ તેમજ મુંબઇ પોલીસે મુંબઇના અંધેરી ઉપનગરના પોશ એરિયા ગણાતા લોખંડવાલા કોમ્પલેક્સમાં દરોડો પાડીને મહાકાલ તરીકે ઓળખાતા એક ડ્રગ સપ્લાયરને ઝડપી લીધો હતો.

એમ કહેવાય છે કે મહાકાલ અનુક કેશવાનીને ડ્રગ આપતો હતો, અનુક કૈઝાનને આપતો હતો, કૈઝાન રિયા અને શૌવિક દ્વારા સુશાંત સિઁઘ રાજપૂતને ડ્રગ પહોંચાડતો હતો.

હોનહાર અભિનેતા સુશાંત સિંઘ રાજપૂતના અકાળ અવસાન પછી બોલિવૂડમાં ડ્રગના સેવનનો મુદ્દો ઊપસ્યો હતો અને આ કેસમાં નાર્કોટિક્સ ક્ન્ટ્રોલ બ્યૂરોનો પ્રવેશ થયો હતો. એનસીબી તરીકે ટૂંકમાં ઓળખાતા આ બ્યૂરોએ બોલિવૂડના અદાકારોની પૂછપરછ પણ કરી હતી જેમાં ટોચની અભિનેત્રી દીપિકા પાદુકોણ, શ્રદ્ધા કપૂર, સારાહ અલી ખાન વગેરેનો સમાવેશ થયો હતો.

દરમિયાન, એનસીબી મુંબઇ પોલીસના સહકારથી ડ્રગ પેડલર્સ અને ડ્રગ સપ્લાયરસને ઝડપતી રહી હતી. હજુ પણ એ દિશામાં એનસીબી કાર્યરત હતી.  એનસીબીને ડ્રગનો સારો એવો પુરવઠો પણ મળ્યો હતો.  આ સિલસિલામાં વધુ એક ડ્રગ સપ્લાયર મહાકાલને ઝડપી લેવામાં આવ્યો હતો.

from Top Stories News - Gujarat Samachar : World's Leading Gujarati Newspaper https://ift.tt/37NA0AJ
via IFTTT